УИХ-ын чуулганы нэгдсэн хуралдаан үргэлжилж байна. Хуралдаанаар Хууль тогтоомжийн тухай хуульд өөрчлөлт оруулах тухай хуулийн төслийг яаралтай дэгээр хэлэлцэх эсэхийг шийдэж байгаа юм. Хэлэлцэж байгаа асуудалтай холбогдуулан гишүүд ажлын хэсгээс асуулт тавьж хариулт авч байна.
УИХ-ын гишүүн Б.Бат-Эрдэнэ:
-Хууль санаачлах эрх бүхий субъект Ерөнхийлөгч, УИХ, Засгийн газрын гишүүдийн хүрээнд явагддаг. Санхүүгийн жил эхлэхтэй холбоотой хугацааг нь тохируулж байгаа гэдэг надад их л сонин санагдаад байна. Ил тод байдлын тухай хуулийг хэрэгжүүлэхтэй холбоотой хичээн төгрөгийн зардал гаргасан бэ. Хүүхдийн мөнгийг олгохтой холбоотой өрхийн амжиргааны судалгааг гаргахын тулд 6 тэрбум төгрөг зарцуулсан байх юм хэмээсэнд ЗГХЭГ-ын дарга С.Баярцогт “Хуулийг санаачлан өргөн барихаас өмнө маш их хэмжээний судалгаа хийдэг. Хүмүүсээ бэлтгэдэг. Нийт хууль, баримт бичиг тогтоолын дийлэнх хэсэг нь Засгийн газраар боловсруулагддаг” хэмээв.
Ингээд хууль тогтоомжийн тухай хуульд өөрчлөлт оруулах тухай хуулийн төслийг хэлэлцэхийг гишүүдийн олонхи дэмжив.
Дараагаар нь Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай, Онцгой албан татвараас чөлөөлөх тухай хуулийн төслүүдийг хэлэлцэж эхэллээ. АСЕМ-ийн дээд түвшиний уулзалт зохион байгуулахад шаардлагатай автомашин, техник хэрэгслийг татвараас чөлөөлөх шаардлагатай гэж үзжээ. Хувийн хэвшлийнхний оруулж ирсэн суудлын автомашиныг татвараас чөлөөлж, АСЕМ-ийн дээд түвшний уулзалтыг зохион байгуулахад ашиглах юм байна.
3500 зочид төлөөлөгч ирнэ гэж үзэж байгаа аж. Төрийн тэргүүнүүдийн цуваанд 5 машин байхаас манай болон нөгөө талын хамгаалалт явах юм байна. Одоогийн байдлаар Мерседес бенз, BMB зэрэг компаниудтай ярих аж. Мөн Цагдаагийн тусгай тоноглолтой машин ч авах юм байна.
Хэлэлцэж байгаа асуудалтай холбогдуулан гишүүдийн асуултад ЗГХЭГ-ын дарга С.Баярцогт хариуллаа.
УИХ-ын гишүүн Ж.Энхбаяр:
-Хоёр өдөр ашиглахын тулд Онцгой болон НӨАТ-аас 350 импортын автомашиныг чөлөөлөх гэж байна. Энэ нь хоёр өдөр машин унахын тулд 7 тэрбум төгрөгийг чөлөөлөх гэж байна. Үүний цаана цэвэр захиалга явж байна. Иргэдээсээ энэ машинаа ав л даа. Өдөрт 2 сая төгрөгөөр түрээслээд авчих. Үүний орон хөдөө аж ахуйгаа өөд татах хэрэгтэй. Ирэх жил Монгол Улс гурилтай байх уу, үгүй юу гэдэг асуудал яригдаж байна. Хоёрхон өдрийн төлөө 7 тэрбум төгрөгийг чөлөөлж байна. Сүүлийн хэдэн жил Монгол Улс жилд нэг тэрбум ам.доллараас илүү машин авсан. Ой тэмдэглэнэ гээд баахан улс машин авсан. Иргэдийнхээ машиныг түрээсэлчих. Монголын ард түмнээс 350 жип гарна. Нэг өдөр 1 сая төгрөгөөр түрээсэл.
ЗГХЭГ-ын дарга С.Баярцогт:
-АСЕМ-ийн бэлтгэл ажилтай холбогдуулан 53 орны төр, засгийн тэргүүн, өндөр албаны хүмүүс ирэх учир аюулгүй байдлыг хангах зорилгоор харьцангуй өндөр шаардлага тавьж, машин авахаар болж байна. Тодорхой хэмжээний машиныг түр хугацаагаар ашиглах тооцоо судалгаа хийсэн. Таны гаргасан тооцооллыг ажлын албан дээр хийлгүүлье. Энэ бол олон удаа хэрэглэж байсан арга.
УИХ-ын гишүүн О.Баасанхүү:
-Олон улсын арга хэмжээнд Монгол Улсаа сурталчлахаас гадна Монгол иргэдээ бодох хэрэгтэй. Машин оруулж ирдэг бизнесүүд 1990 оныг бодвол илүү мэргэшсэн. Татвараа төлөөд машин оруулаад ирье гэсэн хүсэлтэй бизнесмэнүүд ч байгаа. Машин оруулж ирэх бизнесмэнүүдээ тодорхой хэлж өгөөч. Бид санхүүгээ 100 хувь даах ёстой юм уу?
-АСЕМ-ийн арга хэмжээ долдугаар сарын 15-16-ны хооронд болох гэж байгаа боловч бэлтгэл ажлын хүрээнд 5 сараас эхлэн хурал цуглаан хийгдэх юм. Худалдаж авч байгаа асуудал байхгүй. Татвараас чөлөөлсөн тооцоог нарийвчлан гаргах хэрэгтэй.
Чуулганы хуралдаан үргэлжилж байна.
Н.Энх