Их Британийн нийслэл Лондон хотноо зохион байгуулагдаж буй Сирийн хямралын асуудлаарх олон улсын форум уулзалтын үеэр Йорданы эзэн хаан Абдулла “Сирийн нэг сая иргэн хууль бусаар амьдарч байна” гэж мэдэгджээ. Таван жил үргэлжилж буй Сирийн иргэний дайны улмаас тус улсын 4.6 сая иргэн дүрвэсэн эх орноосоо билээ.

Йорданы Засгийн газар дайны эхэнд 200 мянга гаруй сири иргэнд орогнол олгожээ. 2011-2015 оны хооронд энэ тоо 600 мянгад хүрсэн байна. Хаан Абдулла  “Бид тэдний аюулгүй байдлыг хангахын тулд хорогдох байр бэлдсэн. Уг байр тэлсээр хотын хэмжээнд хүрсэн. Албан бус тоогоор сая гаруй дүрвэгч хууль бусаар амьдарч байна. Энэ асуудалд НҮБ болон хөрөнгөтөн орнууд анхаарлаа хандуулахыг уриалж байна. Учир нь бид тун удахгүй хууль бус цагаачдыг албадан гаргах болно” гэж хэлжээ.

Б.Дэлгэрцэцэг