Талибанчуудын эсрэг тулаанд оролцож байсан 11 настай афганистан хүү амиа алдсан талаар тус улсын эрх баригчид мэдээллээ. Хүү 43 хоногийн турш талибанчуудын эсрэг зэвсэг барина тэмцсэн байна.

Хүүгийн цогцсыг гэр бүлд нь хүлээлгэн өгчээ. Тэрээр гэр бүлийнхээ хамтаар Урузган мужид амьдардаг байжээ. Хүү тулааны үеэр толгой руугаа буудуулж амиа алдсан гэнэ.

Талибанчууд энэ сарын 2-нд Урузган муж руу халдаж, эзлэхийг санаархсан байна. Хүү уг тулаанд орж байхдаа үхлийн шарх авсан хэмээн Кандахар эмнэлгийн захирал хэлжээ. Хүүг буудуулсны дараа уг эмнэлэгт авчирчээ.

Афганистаны бяцхан баатар хэмээн алдаршсан Вашил Ахмед дүүгээ талибанчуудад алдсаны дараа Урузган мужийн армид алба хаах болсон юм. Нобелийн энхтайвны шагналт Малала охин хүүгийн аюулгүй байдал санаа зовж буйгаа өнгөрсөн сард мэдэгджээ.

Б.Дэлгэрцэцэг