Өмнөд Хятадын тэнгис дэх арлуудын нэгт БНХАУ газар-агаар пуужингийн системийг байршуулсан талаар “www.foxnews.com” мэдээллээ. Өмнөд Хятадын тэнгис дэх Параселийн арлын нэг хэсэг Вуди арлын радар системд найман газар-агаар пуужин байрлаж буйг “ImageSat International”-ийн хиймэл дагуулын зураг нотолжээ. Уг пуужингууд өнгөрөгч долоо хоногийн эхээр Вуди аралд ирсэн байна.
Энэ сарын 3-нд авсан хиймэл дагуулын зургаар аралд ямар ч пуужингийн систем байрлаагүй байсан аж. Харин энэ сарын 14-нд авсан хиймэл дагуулын зурагт аль хэдийнэ найман пуужин байршиж эхэлснийг тогтоожээ.
АНУ-ын Калифорни мужид Зүүн Өмнөд Азийн орнуудын удирдагчдын дээд хэмжээний уулзалт зохион байгуулагдаж байна. Уг уулзалтад Ерөнхийлөгч Барак Обама оролцсон бөгөөд “Азийн энхтайвны төлөө АНУ бүхий л бололцоогоо ашиглах болно” гэж мэдэгджээ.
Энэ сарын 12-нд “www.foxnews.com” БНХАУ, Параселийн Данкан арал дээр нисэх буудал барьж эхэлсэн талаар мэдээлсэн билээ.
Б.Дэлгэрцэцэг
Уншиж байна |