2016 оны Хоккейн В ангилалын ДАШТ тэмцээн ОХУ-ын Ульяновск хотод болж өндөрлөсөн. Тус тэмцээнд манай тамирчид түүхэн амжилт үзүүлж, IV байрт орлоо. Монголын шигшээ баг Украин, Хятад, Япон, Сомали, Чех улстай нэг хэсэгт багтаж, хэсэгтээ гурав хожиж, нэг хожигдлоо.
Тэмцээний эхэнд Японы шигшээ багтай тоглож 4:0-ээр, Хятадын шигшээ багийг 7:1, Сомалийг 9:0-ээр, Чехийн шигшээ багийг 7:1-ээр илт давуу ялсан. Хэсгийн тоглолтын дараа Голландын шигшээ багийг 4:0-ээр хожиж, хагас шигшээд өрсөлдөх эрхтэй болоод байсан. Гэсэн ч хагас шигшээд Унгарын шигшээ багтай тоглолт хийж, 6:5-аар хожигдол хүлээсэн юм. Хэрэв Унгарыг хожсон бол манай баг алтан медалийн төлөө Германы багтай тоглох байв.
Ингэснээр ДАШТ-д Герман улс түрүүлж, манай улсын шигшээ баг IV байраар тэмцээнээ өндөрлүүллээ.
Дашрамд сонирхуулахад манай хоккейчид ДАШТ-д долоо удаа оролцсоноос 2007-2010 онд хэсэгтээ IV байр эзэлж байсан удаатай. Харин өнгөрсөн жил "В" ангилалын "В" хэсэгт Герман (3:1), Украин (7:2), Сомалийг (12:1)-ээр хожиж, Японд (2:3) ялагдаж, дэд байрт шалгарч байсан юм.
Г.Тэгшсүрэн
Уншиж байна |