Засгийн Газраас баталсан “Түрээсийн орон сууц” хөтөлбөрийг хэрэгжүүлэх журмыг боловсруулж дуусах шатандаа орсон байна. Журмын эхэнд

-       21 нас хүрсэн,

-       тогтмол орлоготой,

-       нийгмийн даатгалын шимтгэл төлдөг,

-       тухайн орон нутагтаа 5 жилээс доошгүй хугацаагаар амьдарсан,

-       төвийн инженерийн шугам сүлжээнд холбогдсон орон сууцгүй байх зэрэг шаардлагыг тусгажээ.

Түүнчлэн эхний удаад 3 сарын түрээсийн төлбөрөө ТОСК-ийн дансанд байршуулах шаардлага тавих гэнэ. Түрээслүүлэх орон сууцны хувьд 30-50 м.кв талбай бүхий 1-2 өрөө байхаар тусгажээ. Түрээсийн нэг сарын төлбөр нь нийслэлд 200-280 мянган төгрөг, орон нутагт 140-230 мянган төгрөг байхаар тогтоосон.

- Улаанбаатар 350 айл

- Архангай 120 айл

- Сэлэнгэ Зүүн-Хараа 90 айл

- Хэнтий Бор-Өндөр 16 айл

- Хэнтий 96 айл

- Дархан 83 айл

- Ховд  96 айл

- Увс 84 айл

Эхний ээлжинд дээр дурдсан тооны орон сууцыг түрээсийн орон сууцанд хамруулах аж.

Монгол Улсын хэмжээнд 35 хүртэлх насны залуу гэр бүл 66.000 байдгаас  22.000 нь орон сууцтай, үлдсэн 44.000 нь орон сууцгүй. 2013 оны байдлаар 17.800 өрх, 2014 оны судалгаагаар 22 мянган өрх, 2015 оны байдлаар 27-28 мянган өрх түрээсийн орон сууцанд амьдрах хүсэлтээ илэрхийлжээ.