Хятадын уул уурхайн олборлолтын “Ханлонг” группийн захирал тэрбумтан Лю Хангийг цаазалсан талаар “CNN” агентлаг мэдээллээ. 48 настай тэрбумтан эрийг энэ сарын 9-нд цаазалсан хэмээн “Синьхуа” агентлаг цахим хуудсаараа дамжуулан мэдэгджээ.
2014 оны тавдугаар сард Лю Хангийг авлига авсан, өгсөн болон хууль бус мөрийтэй тоглоом зохион байгуулсан, захиалгат аллага үйлддэг нууц мафийн бүлэглэл үүсгэн байгуулсан гэх 13 хэрэгт буруутгаж баривчилсан юм. Түүнийг баривчлахаас өмнө буюу 2013 оны есдүгээр сард тэрбумтаны дүү Лю Вэй гэгчийг баривчилсан билээ.
Шүүхээс тэднийг буруутай хэмээн үзэж, цаазаар авах ялаар шийтгэжээ. Лю Хангаас гадна дөрвөн хүнийг хамсаатан хэмээн буруутгаж, цаазалсан байна.
Б.Дэлгэрцэцэг