Зам тээврийн сайд, УИХ-ын гишүүн М.Зоригт Дорнод аймгийн Сэргэлэн сумын нутгийн нэгэн малчин айлд зочилжээ. Тэрээр гэрийн эзэнтэй хууч хөөрч буй зургаа өөрийн фэйсбүүк хуудастаа нийтэлсэн нь олон нийтийн сүлжээнд ихээхэн шүүмжлэл дагуулж эхэллээ.
Зарим иргэд “Сайд байж монгол айлд ороод гутлаа тайлахгүй хивсэн дээр нь гишгэлээ. Бүдүүлэг юм бэ” хэмээн шүүмжилж байна. Харин нөгөө хэсэг нь “Хөдөөний айлд ороод гутлаа тайлдаг монгол ёс бидэнд байхгүй. Хотын хямсгар айл байгаа биш. Сүртэй юм бэ” хэмээн мэтгэлзэх аж.
Угтаа хөдөөгийн жирийн нэгэн малчин айлд гутлаа тайлж ордог монгол ёс байдаггүйг хэн хэнгүй мэддэг байлтай. Харин гэрийн босгон дээр гишгэж, тотгыг нь мөргөж ороод баганыг нь налан суусан бол энд ёс ярихад буруутгах аргагүй юм.
Эх сурвалж: eagle.mn