“Дүнжингарав-2016” маргааш болно
2016-02-27

“Дүнжингарав-2016” төвийн бүсийн хаврын уралдаан маргааш /II.28/ Төв аймгийн Аргалант сумын Цагаан хөтөлд болно. Энэ жил тус уралдаан болох эсэх талаар яригдаж байсан ч Засгийн газраас зохион байгуулах шийдвэр гаргасан юм.

 

Засгийн газрын шийдвэр гарахаас өмнө Төв аймгийн Засаг дарга Д.Баярбат Төв аймгийн нутагт хурдан морины уралдаан, сунгаа явуулахыг хориглосон захирамж гаргаад байсан. Харин Засгийн газрын шийдвэр түүний дээрх захирамжийг үгүйсгэх эрхтэй учир  Төв аймгийн Засаг дарга “Дүнжингарав-2016” уралдааныг зохион байгуулах захирамж гаргажээ.

 

Тэрбээр  Монголын морин спорт уяачдын холбоо /ММСУХ/, Хүүхдийн төлөө үндэсний газрын төлөөлөгчдийг байлцуулан гурван талт уулзалт хийсэн байна. Уралдааны үеэр унаач хүүхдийн эрхийг хамгаалах үүргийг ММСУХ-ныхон хүлээж байгаа аж. Уралдаанч хүүхдийг хамгаалалтын малгай, хувцастай уралдуулах, болзошгүй аюул, ослоос сэргийлэхэд онцгой анхаарахаар тохиролцсон талууд тохиролцсон байна.

 

Б.Бэхи

Shuud.mn
Сонин хачин