ОХУ-д орогнож буй Украины Ерөнхийлөгч асан Виктор Янукович энэ сардаа багтан Киев хотноо очих төлөвлөгөөтэй байгаа хэмээн “TASS” агентлаг мэдээллээ. Энэхүү мэдээллийг Януковичийн өмгөөлөгч Виталий Сердюк баталсан байна. Тэрбээр “Украины хууль ёсны Ерөнхийлөгч бол Виктор Янукович. Тэрбээр Ерөнхийлөгчийн суудлаас хэзээ ч огцрохгүй. Ерөнхийлөгчийг төрийн эрхээс түлхэн унагаах нь Үндсэн хуулийг зөрчсөн явдал” гэж мэдэгджээ.

2013 оны долоодугаар сард сөрөг хүчний дэмжигчид Киев хотноо эсэргүүцлийн жагсаал зохион байгуулж, Януковичийг огцрохыг шаардсан билээ. Уг жагсаал хүрээгээ тэлсний улмаас 2014 оны хоёрдугаар сард Янукович гэр бүлийнхээ хамтаар Орос руу зугтаасан юм.

Янукович эх орноо орхин гарсны дараа Оросын талыг баримтлагчид гэх босогчид Донецк, Луганск мужид хяналтаа тогтоож, тусгаар улс байгуулжээ. Петр Порошенко төрийн тэргүүн болсныхоо дараа Виктор Януковичийг урвагч хэмээгээд, Киевт ирвэл шууд баривчилж, ял асуухаа сануулсан юм.

Б.Дэлгэрцэцэг