Нарантуул захын бүс барааны тасагт өнгөрсөн шөнийн 03 цагийн үед гал гарч, онцгой байдлынхан хоёр цаг ажиллаж, галыг унтраасан. Галын шалтгааны талаар Онцгой байдлын ерөнхий газраас мэдээлэл хийхээр тов зарлаад буй. Мөн галын талаар түрээслэгчид болон Нарантуул захын удирдлагууд уулзаж, ярилцаж буй гэх мэдээлэл байна.
Олон хүний ажил, амьдралыг залгуулдаг тус захад удаа дараа гал гарч байгаа нь олны анхаарлыг татаж байна. Галын талаар Нарантуул захын эзэн Ш.Сайхансамбуу "намайг чадах гээд байгаа бол шууд надтай үз. Хэн шатаагаад байгааг би мэдэж байна" хэмээн нэлээд бухимдалтай жиргэжээ. Мөн тэрбээр "Нарантуул бол миний зах биш. Нарантуул бол олон хүний амьдралыг авч яваа ажил хөдөлмөр,аз жаргал буцалсан газар. Битгий амьдрах гэж хөдөлмөрлөж яваа хүмүүсээр тоглоод бай. Тэдний ард үр хүүхэд гэр бүл нь бий" гэсэн байна.
Уншиж байна |