Цензургүй яриа нэвтрүүлгийн ээлжит дугаарт Цэрэн турс компанийн захирал Э.Цэрэндолгор оролцоно. Тус нэвтрүүлэг өнөөдөр орой 21.00 цагт С1 телевизээр гарна.
Монгол дахь мүүнийг асуудлыг хөндөж тавьсан Э.Цэрэндолгор өнөөдрийн нэвтрүүлэгт ч тус сэдвийг хөндөн ярина. Мүүнээр дамжуулан БСШУЯ-ны Стратеги, бодлого, төлөвлөлтийн газрын дарга Б.Насанбаярыг "онилоод" байсан тэрбээр хүссэн зүйлдээ хүрч буй бололтой. Б.Насанбаяр өнөөдөр хэвлэлийн хурал хийж, ажлаа өгөх болсноо мэдэгдэв.
Харин Б.Насанбаярын шийдвэрийн талаар Э.Цэрэндолгор "Насанбаяр Гантөмөр сайдыгаа суудалтай нь үлдээх эцсийн аргаа авч. Үгүй шүү андуурч байна! одоо Гантөмөр сайд, бүх яамаараа ажлаа хүлээлгэж өгөх ёстой. Түмний хүүхдийн өмнө хүлээсэн Гантөмөр Сайдын хариуцлага хаана байна?" хэмээн өөрийн байр суурийг илэрхийлжээ.