О.Баасанхүү мэтгэлцээний асуултаа иргэдээс авна
2016-3-15

УИХ-ын гишүүн О.Баасанхүү өнөөдөр /2016.03.15/ мэдээлэл хийв. Тэрбээр Монгол Улсын Ерөнхий сайд Ч.Сайханбилэгийг халз мэтгэлцээнд дуудсан талаараа өмнө нь мэдээлж байснаа дурдаад, “ТВ5” телевизийн зүгээс Хот тосгоны эрх зүйн байдлын тухай болон бусад хуулийн төслүүдийн талаар мэтгэлцээн явуулахад татгалзах зүйлгүй хэмээн мэдэгдсэнийг сэтгүүлчдэд дуулгалаа. Мөн энэ удаад Ерөнхий сайдаас асуух асуултыг бүх ард түмнээс авах гэж байгаагаа хэлэв.

 

 

Түүнчлэн тэрбээр Монголын хүнсний худалдаа эрхлэгчдийн нэгдсэн холбооны удирдах зөвлөл, “Даа хүрээ” трейд ХХК-ийн Түрээслэгч иргэдийн үйлдвэрчний эвлэлийн хороо, “Нарантуул” трейд ХХК-ийн Түрээслэгч иргэдийн үйлдвэрчний эвлэлийн хороо, Монголын кафе, бар, рестораны үйлчилгээ эрхлэгчдийн нэгдсэн холбооноос 2016 оны 01 дүгээр сарын 1-ний өдрөөс хэрэгжиж эхэлсэн Нэмэгдсэн өртгийн албаны татварын тухай хуультай холбоотой санал хүсэлт ирүүлсэн гээд дээрх хуульд нэмэлт, өөрчлөлт оруулах тухай хуулийн төслийг боловсруулсан ч Засгийн газар дэмжээгүй гэлээ хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

Shuud.mn
Сонин хачин
Зочин:
Тэнэгт, иргэд чамд ямар хамаатай юм. Чамд төрд гараад хийсэн юм юу ч байхгүй, юу хийхээ ч мэддэгүй, юу ч хийж чадахгүй, сонгуульд нэр дэвшихэд юу хийвэл зүгээрээ ч сонгож ч чадахгүй.
2016-03-16
Zochin:
Hogiin zaluu shuu.
2016-03-15
hen ch bish:
odoo bolio ineedtein
2016-03-15
Эмэгтэй:
Халуун будаа идэж байж амаа түлэв дээ
2016-03-15