УИХ-ын гишүүн Х.Баттулгын туслах Л.Түвшинжаргалыг цагдаагий байгууллагаас баривчилсан байна. Эрүүгийн цагдаагийн газрын Эдийн засгийн гэмт хэрэгтэй тэмцэх тасгаас түүнийг баривчилсан гэж эх сурвалж мэдээлэв.
Тус тасагт Зам тээврийн яамны Төрийн нарийн бичгийн дарга асан Б.Батзаяа, УИХ-ын гишүүн Х.Баттулга, УИХ-ын даргын зөвлөх А.Гансүх нарыг шинэ төмөр замын төсөл болон Сайншандын Аж үйлдвэрийн паркийн төслийг хэрэгжүүлэх явцад улсад их хэмжээний хохирол учруулсан байж болзошгүй хэргээр өнгөрөгч оны 11 дүгээр сараас шалгаж эхэлсэн.
Харин одоо ЦЕГ, АТГ-ын хамтарсан ажлын хэсэг энэ хэргийг шалгаж байна. Өчигдөр УИХ-ын гишүүн Х.Баттулгын өмгөөлөгч Д.Пүрэвбаатар ЦЕГ-ын дарга Р.Чингисийг “Энержи Ресурс” компанийнхантай хуйвалдсан гэж мэдээлсэн. Харин өнөөдөр ЦЕГ-ын Хэвлэл мэдээллийн төвөөс "Өмгөөлөгч Д.Пүрэвбаатарын үйлдэл нь ЦЕГ болон Р.Чингисийн нэр хүндийг гутаах оролдлого " гэдэг тайлбар хийсэн юм.
Б.Хүлэг
Уншиж байна |