ХҮН намын даргын асуудлыг Улсын дээд шүүх эцэслэн шийдвэрлэлээ. Хөдөлмөрийн үндэсний намын ээлжит бус хуралдаанаар сонгогдон томилогдсон С.Ганбаатарыг баталгаажуулах асуудлаар Улсын дээд шүүх өнөөдөр хуралдсан. Багагүй хүлээлт үүсгэж, цөөнгүй маргаан дагуулсан тус асуудал ХҮН намын гишүүдийн талд гарч, Б.Найдалаагийн хүсэлт талаар болов.

Улсын дээд шатны шүүхээс гарсан шийдвэр дан ганц Б.Найдалаа ч биш өнгөрсөн хугацаанд хөшигний цаана нуугдан “мотордож” байсан МАНАН-гийнханы ч хүслийг ч бас талаар болгож байгааг ойрын эх сурвалж өгүүлсэнийг дурдах юун. Ийнхүү уулын буга харж унасан бухаа алдахын үлгэриийг орчин цагт  “амилуулсан”  Б.Найдалаа нарын хэсэг бусаг хүмүүс улс төрийн хатуухан тоглоомын нэг хэсэг болж, ихийг санаж яваад юу ч үгүй болж хохироод үлдэв бололтой.

Энэ дашрамд дурдахад, “хэсэг бусаг хүмүүсийн ятгалгад автан өөрийн бус шийдвэр гарган явсан ХҮН намын 30 гишүүн өнөөдрийг хүртэл гишүүнчлэлтэй хэвээрээ байгаа. Тиймээс гаргасан алдаагаа засч, өөрсдийн буруугаа ойлгож, журмын нөхдөөсөө уучлал хүсэн эргэж ирэхэд ХҮН нам хүлээн авахад татгалзах зүйл байхгүй” хэмээн өнгөрсөн пүрэв гарагт хэвлэлийнхэнтэй уулзахдаа ХҮН намын дэд дарга С.Боргил өгүүлж байсныг сануулах юун.