Улсын дээд шүүхэд өчигдөр Л.Гансүх нарын хэргийг хэлэлцэж, шийдвэр гаргалаа.

Шүүхээс Л.Гансүхэд анхан болон давж заалдах шатны шүүхээс оногдуулсан 4.6 жилийг ялыг бууруулж, 3.6 жил болголоо. Харин Н.Даваахүүг нь 6 сая 912 000 төгрөгөөр торгохоор болов. Б.Мөнгөнтуяад холбогдох хэргийг хэрэгсэхгүй болгож, түүнийг цагаатгасан юм.

Энэхүү шүүх хуралд Ерөнхий сайд асан Н.Алтанхуяг оролцсон юм. Шүүхийн шийдвэрийн талаар Н.Алтанхуяг "Дээд шүүхээс гарч ирлээ. Шинэчлэлийн Засгийн газар ард түмнээ хоёр жил хямд нүүрсээр хангасны төлөө Гансүхэд маань шоронд 3.6 жил суух ял өглөө. Намайг Ерөнхий сайдаас огцруулах гэж зохиосон улс төрийн захиалгат хэргээ үргэлжлүүлсээр байгаад ичсэн хүн, хүн ална гэдэг юм боллоо" хэмээн өөрийн байр суурийг илэрхийлэв. 

Л.Гансүх нь Шинэчлэлийн Засгийн газрын үед Ерөнхий сайд Н.Алтанхуягийн ахлах зөвлөхөөр ажиллаж байсан юм. 

В.Бат