Сайншандын аж үйлдвэрийн цогцолбортой холбоотой хэргийг ЦЕГ-ын Эрүүгийн цагдаагийн газрын Эдийн засгийн гэмт хэрэгтэй тэмцэх хэлтэст шалгаж байна. Уг хэргийн сэжигтэн Г.Түвшинжаргал гэгч эмэгтэйг шүүхийн шийдвэрээр цагдан хорих таслан сэргийлэх арга хэмжээ аваад буй.
Тэрбээр батлан даалтад гаргах хүртэл өлсгөлөн зарлана гэдгээ мэдэгдсэн өргөдлийг ШШГЕГ-ын харьяа цагдан хорих 461 дүгээр ангид хаяглан өргөдөл гаргажээ. Түүнийг өмгөөлөгч Д.Пүрэвбаатарын гаргасан сэжигтэн Г.Түвшинжаргалыг батлан даалтад гаргах хүсэлтийг өнөөдөр Баянзүрх, Сүхбаатар, Чингэлтэй дүүргийн шүүхэд хэлэлцэнэ. Уг шүүх хуралдаанаар Г.Түвшинжаргалыг батлан даалтад гаргахаар шийдвэрлэхгүй бол тэрбээр өлсгөлөн зарлах юм байна.
Г.Түвшинжаргалыг Монгол Улсын Эрүүгийн хуулийн 148 /Бусдын эд хөрөнгийг залилан мэхэлж авах/, 1661 /Мөнгө угаах/-т заасан онц хүнд хэрэгт холбогдуулан шалгаж байгаа юм.
Б.Хүлэг
Уншиж байна |