Өчигдөр тариаланчид хэвлэлийн бага хурал хийж, ХХАА-н сайд Р.Бурмаагийн олгосон улаанбуудайн импортын квот тариалангийн салбарыг бүхэлд нь өвдөг сөхрүүлэх нь хэмээн мэдэгдсэн юм. Тэд Монголын хэрэгцээнээс хэтэрсэн импортын зөвшөөрлийг 70 гаруй аж ахуй нэгжид олгосон үйлдэл нь Монгол Улсын хүнсний аюулгүй байдал болоод 300 мянга гаруй хүн ажилладаг газар тариалангийн салбарт сөргөөр нөлөөлнө хэмээн билээ.
Тэгвэл тариаланчид эсэргүүцлийн жагсаал хийхээр болжээ. Энэ тухай “Гацуурт” компанийн захирал Л.Чинбат өөрийн твиттер хуудсаараа дамжуулан мэдэгдсэн байна.
Тэрбээр “Ирэх дөрөвдүгээр сарын 15-ны өдөр Чингисийн талбайд салбарын сайдыг огцрохыг шаардаж 10 000 тариаланчдын хүрзтэй жагсаал зохион байгуулах болно” гэжээ.
Уншиж байна |