УИХ-ын гишүүн Х.Баттулгын хэлсэн үг олон хүнийг эмзэглүүлж байгаа бололтой. Тэрбээр УИХ-д сонгож болохгүй хүмүүс хэмээн цөөн хэдэн улстөрчийг нэрлэсэн. Тэгвэл нэр нь дурдагдсан эрхмүүд хариу үйлдэл үзүүлээд эхэлжээ.
УИХ-ын гишүүн Ч.Хүрэлбаатар "Женкогийн хулгайд би их л саад болж дээ" хэмээн эгдүүцсэн бол сайд М.Энхсайхан "Баттулга намайг таньдаг болж" гэж бичжээ.
М.Энхсайхан "төрд сонгож болохгүй, нэр дэвшлээ гэхэд дэмжихгүй байх хүмүүсийн нэрсийг зарлалаа. Тэр дундаа "та нар тогтоож аваарай. МҮАН-ын дарга М.Энхсайхан гэж хүн шүү." хэмээн онцолжээ. Шинэ төмөр зам төсөл буруу явж, олон жил алдаж асар их хөрөнгө үрэн таран хийснийг хараад хэлэнгүүт МТЗ хэмээх байгууллагаас 2 сарын дараа намайг сайд Баттулга гэнэт хөөж билээ. Миний түүнд хэлсэн сүүлчийн үг "Чамайг Монголоороо тоглуулахгүй", хариуд нь Баттулга "Энхсайханыг би танихгүй" гэж билээ. Намайг таньдаг болж овоош дээ" хэмээн хариу барьжээ.
В.Бат
Уншиж байна |