УИХ-ын дарга З.Энхболд Дархан-Уул аймагт иргэдтэй уулзах үеэрээ “МАН-аас мөнгө аваад зарим нь иймэрхүү юм яриад байгаа. Л.Наранбаатар нарын зэрэг иймэрхүү хүмүүс байдаг. Тийм хүмүүсээс АН салах хэрэгтэй байна. Ардчилсан нам бол олон намаас бүрдсэн нам тул гишүүдийнх нь дунд үзэл бодлын зөрүү бий. МАН-аас мөнгө аваад янз бүрийн юм яриад яваа хүмүүс нь тэр МАН руугаа явах хэрэгтэй” гэсэн нь АН-ын гишүүд, дэмжигчдийн дургүйцлийг төрүүлээд байна.
Тэгвэл энэ үгнийх нь төлөө З.Энхболдыг уучлал гуйх ёстой гэсэн шаардлагыг Л.Наранбаатар тавилаа. Тэрбээр "намайг доромжилсныг тань тэвчсэн. Гүтгэлгийг тэвчихгүй. МАН-аас мөнгө авсан гэж гүтгэсэндээ уучлал гуй!" гэв.