Ерөнхий сайд Хонгконгийн айлчлалаа дүгнэлээ
2016-04-08

 

Монгол Улсын Ерөнхий сайд Ч.Сайханбилэг БНХАУ-ын Засаг захиргааны онцгой бүс Хонконгт  хийсэн айлчлалаа дүгнэж, ярилцлага өглөө.

 

-Энэ айлчлалын гол зорилго “Credit Suisse” банкнаас  зохион байгуулдаг Азийн хөрөнгө оруулагчдын 19 дэх чуулга уулзалтад оролцох байлаа. Чуулга уулзалтад Япон, Малайз, Шриланк зэрэг улсын Ерөнхий сайд, улс төрийн зүтгэлтнүүд гол илтгэгчээр оролцож, тухайн улсын эдийн засгийн бодлогын талаар тайлбарлаж байсан.

 

Азийн хөрөнгө оруулагчдын 19 дэх чуулга уулзалтад 600-аад төлөөлөгч оролцлоо. Зарим хуралдаанд төлөөлөгчид нь багталцахгүй, танхимын гаднах телевизээр үзэж байсан. Нэлээн сонирхол татсан чуулган боллоо. Бид энэ арга хэмжээнд оролцож, улс орныхоо эдийн засаг, мөнгө санхүүгийн байдал, хөрөнгө оруулалт, бизнесийн орчны талаар сүүлийн үеийн  мэдээллүүдийг өгч, хөрөнгө оруулагчдын сонирхсон асуултад дэлгэрэнгүй хариулт өгөх боломж гарлаа.

 

Чуулга уулзалтад оролцож, илтгэл тавьснаас гадна ажлын олон уулзалт хийлээ. Азийн дэд бүтцийн салбарт хөрөнгө оруулалтын шинэ банкны анхны ерөнхийлөгчтэй уулзаж, хамтран ажиллах талаар санал солилцсон. Шинэ байгууллагын хувьд хэрэгжүүлэхэд бэлэн ТЭЗҮ-тэй том төсөлд орох боломжтой гэдгээ илэрхийллээ. Бид төмөр замын төслүүдээ сайн танилцуулсан. Энэ чиглэлээр хоёр тал үргэлжлүүлэн ажиллаж, богино хугацаанд шийдвэр гаргахаар тохиролцож чадлаа. Хонконгийн Худалдааны хөгжлийн зөвлөл дэлхийд алдаршсан 30 орчим үзэсгэлэн, яармагийг Хонгконгт зохион байгуулдаг. Монголын үзэсгэлэн яармаг зохион байгуулах, оролцох талаар ярилцсан. Эхний ээилжинд, энэ оны наймдугаар сард болдог хүнсний салбарын олон улсын худалдаанд манай улсын органик бүтээгдэхүүн үйлдвэрлэгчдийг оролцохыг урьсан. Манай үндэсний үйлдвэрлэгчид, органик хүнсний бүтээгдэхүүн үйлдвэрлэгчид оролцох хэрэгтэй. Үзэсгэлэн худалдаанаас маш олон худалдан авагч болон хөрөнгө оруулагчдыг олдог гэж ярьж байна. Нэгдүгээр сард тодорхой том төслүүдийг танилцуулдаг арга хэмжээ болдог. Зөвлөлийнхний ярьж байгаагаар энд оролцсон төсөл болгон хөрөнгө оруулагч олж чаддаг гэж байна. Манайхан энэ арга хэмжээнд их ач холбогдол өгч оролцох хэрэгтэй. Үр дүнтэй байх аваас Засаг дэмжээд Монголын үзэсгэлэн худалдааг Хонг Конгт зохион байгуулах боломж байна гэж харагдлаа.

 

“Эрдэнэс Монгол” компанийг Сингапурын темасек маягийн шинэ загвар луу оруулж, иргэдээ хувьцаагаар дамжуулан байгалийн баялгийн эзэн болгох, түүгээр дамжуулж баялгийн сангаа байгуулах нь Засгийн газрын бодлогын бас нэг чухал хэсэг. Энэ утгаараа “Эрдэнэс Монгол”-д хөрөнгө оруулах, хамтарч ажиллах, темасек маягийн шинэ бүтэц байгуулахад туслалцаа үзүүлэх чадвар бүхий хэд хэдэн хөрөнгө оруулагчидтай уулзалт хийлээ. “Нобел” сангийнхан, Канадын тэтгэврийн сангийнхан нэлээд сонирхож, “Эрдэнэс Монгол” компанийн удирдлагуудтай үргэлжлүүлэн ажиллая. Эхний ээлжинд Монголын тал Засгийн газраас хараат бус, бизнест чиглэсэн төлөөлөн удирдах зөвлөлийг байгуулах тал дээр Засгийн газар анхаарч ажиллаасай гэсэн саналуудыг тэд тавьсан. Энэ хөрөнгө оруулагчид олноор цугласан боломжийг ашиглаад CNN Asia, Bloomberg, “Credit Suisse”-ийн телевизид ярилцлага өглөө. Монгол Улсаа сурталчлах, хөрөнгө оруулалтын нөхцөлөө танилцуулах ёстой.

 

Энэ оны зургадугаар сард УИХ-ын сонгууль болно. Гэсэн ч бид бага улстөржиж эдийн засгаа, улс орноо, хөрөнгө оруулалтаа бодож ажиллах учиртай. Оюутолгойд нэг тэрбумын хөрөнгө оруулалт ирэх таван сараас эхлээд явна.

 

Хамгийн гол уулзалтуудын нэг нь Хонг Конгийн Ерөнхий Захирагч Лян Жөн-Интэй хийсэн уулзалт байлаа. Хөрөнгө оруулагчид, бизнесийнхнийг Монголд татах, ялангуяа, сүүлийн үед түүний санаачилж байгаа инноваци, технологийн салбарын үйл ажиллагаануудыг манайд хандуулах талаар санал солилцлоо. Хонконгийн тал давхар татварын гэрээний асуудлыг тавьсан. Манай үйлчилгээний салбар, бизнест Хонгконгийн хөрөнгө оруулалт нэмэгдэх юм бол энэ тал дээр хэлэлцээрээ үргэлжлүүлж болно гэсэн байр сууриа илэрхийллээ.

 

Айлчлалын зорилго биеллээ. Хөрөнгө оруулагчид Монголыг сонирхсон хэвээр байна. Монгол Улс бизнест буцаж ирлээ. Манай улс хөрөнгө оруулагчдад нээлттэй гэсэн мессежээ хүргэж чадлаа гэж Ерөнхий сайд Ч.Сайханбилэг хэллээ гэж Засгийн газрын хэвлэл мэдээлэл, олон нийттэй харилцах албанаас мэдээллээ

Shuud.mn
Сонин хачин
zolo:
manai undesnii uildverlegchded bas neg saihan bolomj garsan bn shu bugdere yragshaa
2016-04-10
Cugap:
Mu.ogor.tolgoi.sons.MGL-n.Ereedui.novshoo.MAN-han.ter.Byab-tsogt-g.hardaa.jinhen.SOLOIT-chin. Dureerei.yarj.baigaa.n.Odoo.yarah.yum.n.duussan.tsuragtaa.taivan.uzii.MAN-nOvoo.nar.
2016-04-09
kkkk:
YASAN HUUHED SHIG TSARAITAI E SAID VEE BALCHIRHAN BN DAA HUURHII TSAADUUL NI TOOJ BGA BOLVUU SONGUULIAR BHGUI BOLNO GDGII N MEDVEL KKK USHIGLUD HUUH BH DA
2016-04-09
togsoo.:
Tanii.ajliin.dongoj.ehlel.shuu.TSaluu.min.uragshaa.
2016-04-08
зху болон оху, снг-д 5 жил суралцаж төгссөн хүмүү:
зху болон оху, снг-д 5 жил суралцаж төгссөн хүмүүс оху-ын магистрийн гэрчилгээ нөхөн олгож байна. международная комиссия по признанию и эквивалентности учебных курсов, документов об образовании оформляет и выдаёт выпускникам высших учебных заведений бывшего ссср утас incorvuzmail.ru Утас88671597зху болон оху, снг-д 5 жил суралцаж төгссөн хүмүүс оху-ын магистрийн гэрчилгээ нөхөн олгож байна. международная комиссия по признанию и эквивалентности учебных курсов, документов об образовании оформляет и выдаёт выпускникам высших учебных заведений бывшего ссср утас incorvuzmail.ru Утас88671597
2016-04-08
88671597.:
зху болон оху, снг-д 5 жил суралцаж төгссөн хүмүүс оху-ын магистрийн гэрчилгээ нөхөн олгож байна. международная комиссия по признанию и эквивалентности учебных курсов, документов об образовании оформляет и выдаёт выпускникам высших учебных заведений бывшего ссср утас incorvuzmail.ru Утас88671597
2016-04-08