МАХН, МАН эвсэж, сонгуульд орох асуудал яригдаж, хоёр намын төлөөлөл багтсан ажлын хэсгүүд өнгөрсөн сараас эхлэн ажиллаж эхэлсэн.
МАХН-ын ажлын хэсгийг УИХ-ын гишүүн Ч.Улаан ахалж, УИХ-ын гишүүн О.Баасанхүү, МАХН-ын нарийн бичгийн дарга Э.Эрдэнэжамъян, Б.Тулга нар гишүүдээр нь ажиллаж байгаа. Харин МАН-ын ажлын хэсэгт УИХ-ын гишүүн Ч.Хүрэлбаатар, С.Батболд, тус намын нарийн бичгийн дарга Д.Амарбаясгалан, газрын дарга Д.Мөрөн нар ажиллаж буй юм.
Тэгвэл хоёр намыг эвсэх асуудлыг судлах ажлын хэсгийн дүгнэлт ойрын үед гарах гэдгийг МАХН-ын ажлын хэсгийн ахлагч УИХ-ын гишүүн Ч.Улаан хэлж байна. Ажлын хэсгүүд цөөнгүй асуудал дээр санал нийлээд буй аж. Одоо 1-2 асуудал дээр санал нэгдвэл эвсэх санамж бичигт гарын үсэг зурна гэдгийг МАХН-ын төлөөлөл хэлж байна.
Харин МАН-ын зүгээс эвсэх саналыг намын бага хурлаараа хэлэлцүүлж, эцсийн шийдвэрийг гаргана гэдгийг УИХ-ын гишүүн Н.Энхболд хэлж байна.
В.Бат