Бразилийн парламентын доод танхим Ерөнхийлөгч Дилма Руссеффийг албан тушаалаас нь огцруулах асуудлаар санал хураалт зохион байгуулсан талаар “www.dailymail.co.uk” мэдээллээ. Санал хураалтад нийт 300 гишүүн оролцсон байна. Саналаа өгсөн 224 гишүүн Дильмаг огцрох хэрэгтэй гэж үзсэн бол 72 нь эсрэг санал өгчээ. Харин дөрвөн гишүүн санал өгөхөөр татгалзсан байна. Дээд танхим ирэх долоо хоногт уг асуудлаар санал асуулга явуулахаар төлөвлөжээ. Хэрвээ гишүүд Дилмагийн эсрэг саналаа өгвөл тэрбээр Рео де Женейрогийн олимпийн өмнө огцрох юм.
Дилмаг Ерөнхийлөгчийн сонгуулийн кампанит ажлынхаа үеэр хууль бус санхүүжилт авсан хэмээн буруутгаж, өнгөрсөн оны аравдугаар сард Сонгуулийн хороо түүнийг шалгаж эхэлсэн билээ. Мөн 2014 оны эхээр төрийн өмчийн “Петробрас” компаниас хууль бус санхүүжилт авсан түүнийг хэмээн буруутгасан байна. Харин эдгээр асуудалтай Ерөнхийлөгч холбоогүй хэмээн мэдэгджээ.
Цагдаагийнхан уг хэрэгтээ холбогдуулан Дилмагийн кампанит ажлыг удирдаж байсан Жоао Сантанаг баривчилсан билээ.
Б.Дэлгэрцэцэг
Уншиж байна |