Тусгаар тогтнол Эв нэгдлийн намын их хурал УДЭТ-т болж байна. Намын даргаа сонгож, шинэ гишүүдээ баталгаажуулж авах тус намын хуралд олны танил эрхмүүд цуглажээ. Тухайлбал СГЗ Д.Амбасэлмаа, АЖ Г.Хайдав, хуульч С.Нарангэрэл, сансрын нисэгч Ж.Гүррагчаа, УИХ-ын гишүүн Л.Цог, Монгол Улсын ардын багш, доктор, профессор С.Галсан, МУГЖ Ч.Алтан-Өлзий, Монгол Улсын гавьяат тамирчин Х.Цагаанбаатар нар шинэ намын хуралд оролцохоор иржээ.
Өнгөрсөн онд байгуулагдаж, улсын бүртгэлд орсон Тусгаар тогтнол Эв нэгдлийн намын даргаар УИХ-ын гишүүн Г.Уянга томилогдох аж. Тэрбээр өнгөрсөн сард УИХ дахь МАХН-МҮАН-ын Шударга ёс эвслийн бүлгээс гарч буйгаа мэдэгдсэн. Мөн энэ сарын долоонд МҮАН-ын гишүүнчлэлээс татгалзсан өргөдлөө өгчээ.
В.Бат