10.00 цагт: Хөдөлмөрийн яам болон Үйлдвэрлэл урлалын политехник коллеж, Үсчин гоо сайханчдын холбоо хамтран зохион байгуулж буй үсчин, гоо сайханчдын "Алтан хайч" улсын уралдаан АСА циркт эхэлнэ. 

10.00 цагт: Улаанбаатар хотын ах дүү хот болох Новосибирск хотын захирагчийн айлчлалын хүрээнд тус хотын барилга, кабелийн бүтээгдэхүүн, цахилгаан арматур, эрчим хүч хэмнэх тоног төхөөрөмж үйлдвэрлэгч 10 гаруй компани оролцсон "Улаанбаатар-Новосибирскийн бизнес-түншлэл" форум  Корпорейт Конвеншн Центрын 5-р давхарын "Улаанбаатар" танхимд болно.

10.00 цагт: НИТХ-аас хэлэлцэж баталсан журмыг үндэслэл болгон ЕБС-ийн эцэг эхчүүдийг оролцоотойгоор хэрэгжиж буй "School Police эргүүл" хөтөлбөрийн хүрээнд зохион байгуулах нээлттэй хаалганы өдөрлөг Монголын Хүүхдийн Ордонд болно. 

10.00 цагт: Монголбанкнаас цахим худалдааны төлбөр тооцоог дамжуулах нээлтийн ажиллагааг зохион байгуулна. 

11.00 цагт: Төрийн байгууллагын буруутай үйл ажиллагааны улмаас ТҮЦ ажиллуулагч иргэдийн эрх ашиг ноцтой хөндөгдөж байгаа талаар БЗД-ийн үйлдвэрчний хорооноос "Зууны мэдээ" сонины Үндэсний мэдээллийн төвд мэдээлэл хийнэ.

11.00 цагт: Уул уурхайн салбартай холбоотой тухайлбал тусгай зөвшөөрөл, бүтээгдэхүүн үйлдвэрлэл, борлуулалт, төлсөн татвар төлбөр, хандив, дэмжлэг зэрэг мэдээлэл нэг дор төвлөрч, иргэн, байгууллагын хэн ч хаанаас ч сонирхсон мэдээллээ янз бүрийн хэлбэрээр авах боломжтой болсон талаар Уул уурхай яаманд хэвлэлийн хурал болно. 

11.30 цагт: Мөнгө хүүлэгчдийг цагдаагийн байгууллагад өгч буй талаар Хувиараа худалдаа, үйлдвэрлэл, үйлчилгээ эрхлэгчдийг хамгаалах холбооноос "Зууны мэдээ" сонины Үндэсний мэдээллийн төвд мэдээлэл хийнэ.

11.30 цагт: Улаанбаатарт айлчилж буй ОХУ-ын Новосибирск хотын дарга А.Е.Локоть, ИТХ-ын дарга Д.В.Асанцев тэргүүтэй төлөөлөгчдийг НИТХ-ын дарга Д.Баттулга хүлээн авч уулзана.

17.30 цагт: Гео-мэдээллийн мэргэжилтэнгүүд, сонирхогчдын сар бүрийн ээлжит уулзалт Шинжлэх ухааны паркийн Мэдээллийн технологийн 3-р давхарын 302 тоот сургалтын өрөөнд болно. 

18.30 цагт: "Либерал хаус" бодлогын судалгааны хүрээлэнгээс зохион байгуулдаг "Асуудал Шийдэл" хэлэлцүүлгийн зочноор Гадаад хэргийн сайд Л.Пүрэвсүрэн уригдан оролцож, "AСЕМ ба зөөлөн хүчний бодлого" сэдвээр ярилцана. Хэлэлцүүлэг Хууль зүйн үндэсний хүрээлэнгийн 3 давхрын хурлын танхимд болно. 

18.30 цагт: Хэрэглэгчийн итгэлийн индексийн 2016 оны нэгдүгээр улирлын судалгааны үр дүн болон эдийн засгийн өнөөгийн байдлын тухай цуврал лекц Монгол-Япон төвд болно.