АНУ-ын Засгийн газраас Монголын батлан хамгаалах салбарт 30 гаруй автомашин хүлээлгэн өглөө. Энхийг дэмжих ажиллагааны зориулалттай автомашинуудыг буцалтгүй тусламж болгон өгч буй юм.
Монгол-АНУ-ын батлан хамгаалах салбарын харилцаа 1991 оноос Зэвсэгт хүчний энхийг дэмжих ажиллагаанд оролцох чадавхийг бэхжүүлэх, цэргийн мэргэжлийн боловсон хүчнийг сургах чиглэлээр өргөн хэмжээнд хөгжиж байна. Хамтын ажиллагааны хүрээнд 2015 онд Зэвсэгт хүчний 311 дүгээр ангийн байрлалд долоон тэрбум төгрөгийн барилгын шинэчлэл, засварыг хийжээ. Мөн энхийг дэмжих ажиллагааны зориулалттай 30 гаруй Вранглер жийпийг өгч байжээ. Уг автомашинуудыг энхийг дэмжих ажиллагаанд зориулалтын дагуу ашиглаж буй аж.
Харин энэ онд АНУ-ын Засгийн газраас дахин 30 гаруй Ланд круйзер жийп автомашиныг хүлээлгэн өгсөн нь энэ.
В.Бат
| Уншиж байна |