Монгол Улсын иргэн 48 настай эрэгтэйг Интерполын товчооны ОХУ-ын Эрхүү хотын салбарын ажилтнууд өнгөрөгч долоо хоногт саатуулсан байна.
Сэжигтэн эрэгтэй монголд хүн амины хэрэгт холбогдон шалгуулж байхдаа хилээр оргон зайлсан аж. Түүнийг өнгөрөгч 2010 оны зургаадугаар сараас хойш олон улсад эрэн сурвалжилж байгаад ОХУ-ын Эрхүү хотын Интерполын салбарын тусгай ажилтнууд , тус хотын Октябрьский дүүргийн орон сууцанд нуугдаж байхад нь ийн саатуулжээ.
Түүнийг ойрын хугацаанд нутаг руу нь шилжүүлэх тухай ОХУ-ын Дотоод хэргийн яамны Эрхүү хотын Удирдах газрын хэвлэлийн төлөөлөгч мэдэгдсэн байна.