Цагдаагийн ерөнхий газраас “Баялагийн хувь”, “Түмэн хишигтэн” компанид нэгжлэг хийсэн талаар болон “Шинэ төмөр зам” төсөлтэй холбоотой хэргийн явц байдлын талаар мэдээлэл хийлээ. Энэ үеэр УИХ-ын гишүүн Х.Баттулгын хэвлэлийн төлөөлөгч Ж.Цэсэн цагдаагийн байгууллагын хийсэн мэдээллийг үгүйсгэв.
Тэрбээр “Цагдаагийн алба хаагчдыг нэгжлэг хийх гээд очиход би “Баянгол” зочид буудлын оффист ажлаа хийгээд сууж байсан. Цагдаагийн ажилтнууд орж ирэхэд тухайн үед хэн нэгэн эсэргүүцэл үзүүлээгүй. “Баялгын хувь”, “Түмэн хишигтэн” ХК-ийн эмэгтэй захирлууд шалгуулна гэдгээ мэдээд үзэж, шалгах шаардлагатай материал, зүйлсийг бэлдээд сууж байсан. Тухайн үед Х.Баттулга гишүүн байгаагүй. Би “оффис дээр хүмүүс нэгжлэг хийхээр ирлээ” гээд гишүүн рүү холбогдож хэлэхэд хурал дундуураа гарч ирсэн. Түүнээс УИХ-ын гишүүний нэр хүндээрээ далайлган цагдаагийн үйл ажиллагаанд хүндрэл учруулсан зүйл байгаагүй” хэмээв.
Г.Тэгшсүрэн