УИХ дахь МАН-ын бүлгийн хуралдаан өндөрлөлөө. Тус бүлгийн хуралдаанаар Монгол Улсын нийгэм, эдийн засгийг 2015 онд хөгжүүлэх үндсэн чиглэлийн биелэлт, Үндсэн хуулийн цэцийн дүгнэлт, Органик бүтээгдэхүүний тухай хууль гэсэн гурван асуудлыг хэлэлцжээ.

Монгол Улсын эдийн засаг, нийгмийн хөгжүүлэх үндсэн чиглэлийг Засгийн газар 76.8 хувийн биелэлттэй гэж үзсэн. Үндэсний аудитын газраас 70 хувийн биелэлттэй гэж дүгнэсэн байна. Харин МАН-ын бүлэг туйлын хангалтгүй гэж үзжээ. 

Үндсэн хуулийн цэц дунд суудлын хуралдаанаараа намын жагсаалтыг хууль зөрчсөн гэж дүгнэсэн. Энэ дүгнэлтийг МАН хүлээж авах нь зөв гэж үзжээ. Тус намын бүлгийн дарга С.Бямбацогт "Бид хүнээ сонгоё. Намын жагсаалтаар сонгогдох нь буруу гэсэн байр суурьтай байсан. Одоо ч энэ байр суурин дээрээ байгаа. Тиймээс цэцийн дүгнэлтийг хүлээж авах нь зүйтэй гэж үзлээ. Харин цэцийн дүгнэлтийг хүлээж авах нь сонгуулийг хойшлуулах шалтгаан болохгүй гэж үзэж байна" гэв.

Цэцийн дүгнэлтийг хүлээж авч, УИХ-ын сонгуулийг тойргоор явуулсан тохиолдолд намын жагсаалт дахь 25 мандатыг одоогийн 26 тойрогт хуваарилах нь зүйтэй гэж үзжээ. 28 мандатаас хөдөө орон нутагт 20-ийг, нийслэлд 8-ыг нь хуваарилан явуулж болно гэж МАН-ын бүлэг үзжээ. 

Н.Энх