Хүүхдийн эрхийн тухай хууль болон Хүүхэд хамгааллын тухай хууль батлагдан, хэрэгжээд удаагүй байна. Эдгээр хуулиудыг цагаа олсон, ирээдүй хойчийнхоо эрхийг хамгаалахад хэрэгтэй хууль гэж олон нийт ам сайтай байгаа. Тиймээс ч Хүүхдийн төлөө үндэсний газраас Монгол улсад Хүүхдийн эрхийн хамгаалах цогц бодлого бий болгохын төлөө эдгээр хуулиудыг санаачлан батлуулсан УИХ-ын гишүүн С.Одонтуяа болон хуулийн төслийн ажлын хэсгийхэнд талархал илэрхийлэх хүндэтгэлийн арга хэмжээг зохион байгуулжээ.
Энэ үеэр УИХ-ын гишүүн С.Одонтуяад хүүхдийн төлөө хийсэн бүтээснийг нь үнэлж, НҮБ-ын Хүүхдийн сан, “Адра Монголиа”, “Хүүхдийг хамгаалах сан”, “Дэлхийн зөн”, Азийн сан зэрэг олон улсын байгууллагуудаас “Хүүхдэд ээлтэй гишүүн” цом болон өргөмжлөлийг гардуулсан байна.
Хүүхдийн эрхийн болон хүүхэд хамгааллын тухай хоёр хууль нь Монгол улсад 20 жилийн дараа хийгдэж буй эрх зүйн шинэчлэл, хүүхдийн төлөө гэсэн бодит ажил гэдгийг Хүүхдийн төлөө үндэсний газрынхан уг арга хэмжээний үеэр онцолжээ.
Н.Нягт
Уншиж байна |