МАХН-МҮАН-ын Шударга ёс эвслийн бүлэг өчигдөр өргөтгөсөн хурал хийсэн. Тус хурлаар намын жагсаалтын хууль бус хэмээн үзсэн Үндсэн хуулийн цэцийн дүгнэлтийг хэлэлцсэн юм. Ингэхдээ Үндсэн хуулийн цэцийг захиалгаар ажиллаж, улс төрийн гэмт үйлдэл хийсэн хэмээн дүгнэлтийг нь дэмжихгүй гэсэн мэдэгдлийг гаргаад буй.

Тус хуралд МАХН, МҮАН-ын удирдлагуудаас гадна ИЗНН-ын төлөөлөл оролцсон нь тус намуудыг сонгуульд эвсэх нь гэсэн таамгыг бий болгоод байсан. Тэгвэл ИЗНН-ын Улс төрийн зөвлөл өчигдөр хуралдаж УИХ-ын 2016 оны сонгуульд МАХН-тай эвсэх эсэх асуудлыг хэлэлцсэн байна. Хурлаас МАХН-тай эвсэх асуудлыг судалж, ярилцах ажлын хэсгийг намын дарга Ц.Ганхуягаар ахлуулан байгуулжээ. 

МАН-тай эвсэл байгуулж чадаагүй МАХН дараагийн "бай"-гаараа ИЗНН-ыг сонгожээ. Хоёр намын хамтрах эсэх асуудал ирэх өдрүүдэд тодорхой болно.

В.Бат