АНУ-ын Ерөнхийлөгчийн сонгуульд нэр дэвшихээр намын сунгаанд өрсөлдөж буй тэрбумтан Дональд Трамп өчигдөр Индиана мужид зохион байгуулагдсан урьдчилсан санал асуулгад ялалт байгуулсан талаар “CNN” агентлаг мэдээллээ. Тэрбээр 54 хувийн саналаар ялалт байгуулсан байна.

Трамп санал хураалтын дараа “Намынхан минь намайг дэмжвэл би ялалт байгуулж чадна. Намайг дэмжээрэй” хэмээн мэдэгджээ. Түүний гол өрсөлдөгч Флорида мужийн сенатор Тед Круз 33 хувийн санал авчээ. Намын дэмжигчдийн дунд явуулсан санал асуулгаар Тед өмнө нь Индиана мужид ялалт байгуулсан юм. “Трампийн хувьд Тед өрсөлдөгч биш бололтой” хэмээн “AFP” агентлаг мэдээлэв.

Сөрөг хүчин өнгөрөгч долоо хоногт таван мужид санал хураалт зохион байгуулсан бөгөөд бүгдэд нь Трамп ялалт байгуулсан билээ. Трамп дахин ялалт байгуулвал намаасаа сонгуульд нэр дэвших юм.

Б.Дэлгэрцэцэг