УИХ-ын гишүүн Ц.Оюунгэрэл 2016 оны УИХ-ын сонгуульд нэр дэвшихээр шийдсэнээ дөнгөж сая дуулгав. Тэрбээр "Сонгуулийн хууль эмэгтэйчүүдэд хатуу болох чиг рүүгээ орсон учраас оролцоог улам бууруулахгүйн тулд 2016 оны сонгуульд өрсөлдөхөөр шийдлээ" хэмээжээ.
Ц.Оюунгэрэл гишүүн энэ сонгуульд нэр дэвшихгүй гэдгээ мэдэгдээд байсан. Тэрбээр "Ногоон нүдэн лам" номынхоо хоёрдугаар дэвтрийг бичихээр нэг хэсэгтээ улс төрөөс хөндийрч, уран бүтээлийн чөлөө авна гэж байсан ч бодлоо өөрчилжээ.
УИХ-ын чуулганы өнөөдрийн нэгдсэн хуралдаанаар Үндсэн хуулийн цэцийн дүгнэлтийг хүлээн авч, намын жагсаалтаар сонгогдох хуулийн заалтыг хүчингүй болгосон. Хуулийн энэ өөрчлөлт эмэгтэйчүүдийн квотыг үгүй хийх, багасгаж болзошгүй хэмээн эмэгтэй гишүүд болгоомжилж буй юм.
В.Бат