Иракийн хэт даврагч “Халифын вант улс” бүлэглэл өчигдөр цаазын ял гүйцэтгэж буй бичлэгээ олон нийтийн сүлжээнд байршуулсан талаар “www.dailymail.co.uk” мэдээллээ. Хэт даврагчид Сирийн гурван цэргийг хөнөөсөн байна.

Цэргүүд Пальмира хотыг чөлөөлөх ажиллагаанд оролцсон хэмээн цаазын ял гүйцэтгэсэн жихади мэдэгджээ. Тэрбээр “Бидний эсрэг буу чиглүүлсэн бүхэн өт хорхой шиг амиа алдах болно. Тэд өнөөдөр үхэх болно. Ассад бидний эсрэг буу чиглүүлсэнийхээ хариуг заавал хүртэнэ” гэсэн байна. Сирийн армийнхан өнгөрсөн гуравдугаар сард Пальмира хотыг чөлөөлсөн билээ.

Иракийн тагнуулын байгууллага “Цаазын ял гүйцэтгэсэн жихади “Аль Кайди” бүлэглэлийн дайчин. Тэрбээр өнгөрсөн долоодугаар сард Сирид ирж, тус бүлэглэлд элссэн” гэсэн байна.

Б.Дэлгэрцэцэг