УИХ дахь АН-ын бүлгийн хуралдаан дөнгөж сая өндөрлөлөө. Бүлгийн хуралдаанаар Сонгуулийн хуульд өөрчлөлт оруулах тухай төслийг хэлэлцэж, нэгдсэн байр суурьт хүрсэн байна. УИХ Цэцийн дүгнэлтийг хүлээж авснаар Сонгуулийн хуулиас пропорцианаль систем буюу намын жагсаалт хасагдсан. Тиймээс сонгуулийг одоогийн үйлчилж байгаа том 26 тойрог 48 мандат дээр намын жагсаалт байсан 28 мандатыг нэмэх үү, эсвээс жижиг 76 тойргоор явуулах уу гэдэг дээр улстөрчид мэтгэлцэж байсан. Үүнтэй холбогдуулан Төрийн байгуулалтын байнгын хорооны дарга А.Бакейгаар ахлуулсан нам, эвслийн төлөөллөөс бүрдсэн ажлын хэсэг байгуулагдсан юм. Харин УИХ дахь АН-ын бүлгийн хуралдаанаар дээрх асуудлыг хэлэлцээд сонгуулийг жижиг 76 тойргоор явуулахаар санал нэгджээ.
Н.Энх
Уншиж байна |