УИХ дахь АН-ын бүлгийн хуралдаан өндөрлөв. Хуралдаанаар хэлэлцсэн асуудлын талаар АН-ын бүлгийн дарга Б.Гарамгайбаатар нар мэдээлэл хийсэн юм. Тэрбээр:
-Бүлгийн хуралдаанаар Сонгуулийн хуульд нэмэлт өөрчлөлт оруулсан хуулийг хэлэлцлээ. Гишүүд уг асуудлыг хэлэлцээд жагсаалтын 28 мандатыг хот хөдөөд тэгш хуваарилж өгөх нь зүйтэй гэж үзсэн. Тодруулбал, хотод 14 мандат, хөдөөд 14 мандат байх нь хамгийн оновчтой хувилбар гэж үзлээ. Ийнхүү хуваарилах нь пропорцианаль хувилбарыг хадгалсан “шударга” хуваарилалт юм хэмээлээ. АН-ын бүлгийн дарга Б.Гарамгайбаатар мэдээлэл хийснийхээ дараа сэтгүүлчдийн сонирхсон асуултад хариулав.
-Жагсаалтын 28-ыг хот, хөдөөд тэнцүү хуваасан үндэслэл юу вэ ?
-Өмнө нь жагсаалтын 28 гишүүнийг сонгохдоо үндсэндээ Монгол Улсын нэг тойрог гээд нийт ард иргэдээс санал авсан гишүүд байсан гэж АН үзсэн. Тиймээс энэхүү хувилбарыг хадгалаад 14, 14 гэсэн тэнцвэртэй хувилбарыг сонголоо. Энэхүү хувилбар нь хүн ам, нутаг дэвсгэр, засаг захиргааны нэгжтэй уялдсан хувилбар юм.
-Аль аймгуудын мандат нэмэгдэх вэ?
-Бидний тооцоолж байгаагаар 10-аад аймгийн мандат нэмэгдэх байх. Гэхдээ Сонгуулийн ерөнхий хороо өнөөдөр хуралдаад тогтоолоо албажуулаад оруулж ирсэн тохиолдолд намууд тухайн хувилбар дээр ажиллана.
Н.Энх
Уншиж байна |