Өнгөрсөн долоо хоногт Оюутолгойн далд уурхайн бүтээн байгуулалтын ажлыг эхлүүлсэн. Үүнтэй холбогдуулан УИХ-ын гишүүн Б.Бат-Эрдэнэ, Ц.Даваасүрэн нар мэдээлэл хийв. УИХ-ын гишүүн Б.Бат-Эрдэнэ:
- 2008 оноос өнөөдрийг хүртэл тодорхой байр сууриа илэрхийлж ирсэн гишүүдийн төлөөлөл бол бид. Ерөнхий сайд Ч.Сайханбилэг 2015 оны 5 сарын 18-нд Дубайд очиж луйврын гэрээ байгуулсан. Дубайн төлөвлөгөө нэрээр өнгөлөн далдалсан гэрээ хийж Монголынхоо эрх ашгийг зөрчсөн. “Оюутолгой”-н төсөлтэй холбоотой ҮАБЗ-ийн тогтоол, УИХ, Засгийн тогтоолууд гарсан байдаг. Гэтэл “Оюутолгой”-г барьцаанд тавьчихлаа. Ерөнхий сайд ийм ноцтой алдаатай шийдвэрийг гаргачихаад ирсэн. Муу үр дагавар гарчихаад байхад сайн болсон гээд сурталчилаад байж болохгүй. “Оюутолгой”-гоос монголчуудын хүртэх хувь тун бага байгаа болохоос биш, ажил зогсоогүй хөдөлж л байгаа шүү дээ. 2012 оноос өмнө бид Ерөнхий сайд Сү.Батболдын огцруулах асуудлыг тавьж байж “Оюутолгой”-н гэрээний ашигтай нөхцөлийг бүрдүүлж байсан. Гэтэл 2012 оноос хойш ажилласан нөхөд үүнийг үгүй хийлээхэмээсэн юм. Харин гишүүн Ц.Даваасүрэн:
-Далд уурхайн бүтээн байгуулалтад зориулаад “Дубай”-н гэрээгээр 6 тэрбум ам.доллар авч байгаа. Үүнийг олон улсын 15 банк санхүүгийн байгууллагаас босгон авч байна. . Ингэснээр Монгол Улсын 2021 оноос хүртэх байсан ашгийг 17 жилээр ухраалаа. Үүнийг ухраачихаад баярлаж болох уу Ерөнхий сайд аа. Өнгөрсөн бямба гарагт хийсэн нээлт бол Монголын ард түмнийг доромжилсон үйл явдал. Бидний дунд урвагч сайд болоод явж байна. Гадныхантай нийлээд биднийг доромжилдог төртэй, Ерөнхий сайдтай байгаадаа харамсаж байна. Анхны ТЭЗҮ-ээр далд уурхайд 1.5 тэрбум ам.доллар зарцуулна гэсэн. Энэ тоо 4 дахин өснө гэж ярьж хэлж болох уу. Гадныхан манайхныг өрөнд оруулахаар ажилласан байна. Үүнд баярлаад байх юм зүйлгүй. Манайх зөвхөн 2038 онд ашгаа авна. Оюутолгой хөдөлж байгаа. Гацааж байгаад хөдөлгөөнд оруулсан юм шиг Оюутолгой хөдөлгөөнд орлоо гэж яриад байна. 2015 онд 3.3 их наядын алт зэс ачуулсан. Ингэж Монгол Улсын төсвийн 56 хувьтай тэнцэх боруулалт хийчихээд төсвийн 6.5 хувьтай тэнцэх ачаа үүрдэг. Манай экспорт дандаа өсдөг. Тэр мөнгөний 5-6-хан хувь нь орж ирдэг болохоор бид ядуураад байгаа юм гэлээ.
Н.Энх