Элэгний хавдартай тэмцэхэд нийслэлээс тэрбум төгрөг гаргана
2016-05-12

 

Нийслэлийн ИТХ-ын ээлжит бус 8 дугаар хуралдаан өнөөдөр болж хуралдаанаар “Хотын шуудын  2015 оны төсвийн гүйцэтгэл батлах тухай”, “Нийслэлийн 2016 оны  төсөвт нэмэлт, өөрчлөлт оруулах тухай” асуудлыг хэлэлцлээ. Хуралдаанд энэ асуудлыг Нийслэлийн Засаг даргын Санхүү эдийн засгийн асуудал хариуцсан орлогч Н.Батаа танилцуулав. Тэрээр, өнгөрсөн оны санхүүгийн нэгтгэсэн тайлангаар нийслэл 415,5 тэрбум төгрөгийн эргэлтийн хөрөнгөтэй  үүнээс мөнгөн хөрөнгө  270.1 тэрбум төгрөг  байна. Эргэлтийн хөрөнгийн 27.4 хувь  буюу 114.1 тэрбум төгрөгийг  орон нутгийн төсөвт байгууллагуудын  эргэлтийн хөрөнгө эзэлж байгааг хэлэв.  Мөн нийслэлийн тєсвийн ерєнхийлєн захирагчийн 2015 оны жилийн эцсийн санхүүгийн нэгтгэсэн тайланд нийслэлийн Аудитын газраас “Зөрчилгүй” гэсэн  санал дүгнэлт  єгснийг онцоллоо. Түүнчлэн засгийн газраас гаргасан шийдвэрийн дагуу нийслэл хэмнэж болох зардлууда аль болох хэмнэснээр төсвийг 14.4 хувиар дутуу зарцуулсан гэсэн мэдээллийг тэрээр хэллээ.

 

Харин нийслэлийн 2016 оны төсвийн урсгал зардалд хэд хэдэн нэмэлт өөрчлөлт оруулахаар танилцуулав. Тодруулбал нийслэлийн хот тохижуулах зардалд гэр хорооллын иргэдийн бүлгийг санхүүжүүлэх зардалд 625.0 сая төгрөг нэмж, хотын шуудын орон нутгийн төсвийн байгууллагуудын 2015 оны төсвийн хэмнэлт, үйл ажиллагааны орлогын давалтыг холбогдох хууль, журмын хүрээнд тооцож, 1 тэрбум 406.9 сая төгрөгийн зардлыг төсөвт нэмж, нийслэлийн нийтийн тээврийн салбарын 2016 оны эхний улирлын төсвийн зарцуулалтын дүнд үндэслэн ахмад настан, оюутан, сурагч нарын нийтийн тээврийн хэрэгслээр үнэ төлбөргүй зорчих зардлаас 16.6 тэрбум төгрөгийг бууруулж, нийтийн тээврийн хэрэгслийн цагийн зардлын гүйцэтгэлээр санхүүжүүлэх зардалд 9.7 тэрбум төгрөг нэмж, Нийслэлийн үйлчилгээний төвийн Мишээл, Драгон төвүүдэд ажиллах ажиллагсадын зардалд зориулан Нийтлэг үйлчилгээний газрын төсөвт 295.4 сая төгрөгийг нэмж тусгуулах зэрэг хэд хэдэн томоохон өөрчлөлт оруулан өргөн барьж байгаагаа танилцуулав. Нийслэлийн ИТХ-ын төлөөлөгчид нийслэлийн 2016 оны төсөвт оруулах эдгээр өөрчлөлтүүдийг зарчмын хувьд дэмжиж байгаагаа илэрхийлээд, нийслэлийн үйлчилгээний нэгдсэн төвд ажиллах албан хаагчдын ажлын байрыг баталгаатай байлгах, цалин урамшуулалыг нэмэгдүүлэх тал дээр анхааран ажиллахыг сануулж байлаа. Мөн Нийслэлийн ИТХ дахь Ардчилсан намын бүлгээс элгэний хорт хавдарыг эмчлэх тоног төхөөрөмж худалдан авах зардлыг нийслэлийн 2016 төсөвт тусгах санал орууллаа. Эдгээр саналыг нийслэлийн ИТХ-ын Төлөөлөгчид дэмжсэнээр   хотын шуудын урсгал зардал нийт 5,4 тэрбум орчим төгрөгөөр  буурч 299 тэрбум 676.5 сая төгрөг болж байгаа бол нийслэлийн төсвийн нийт урсгал зардал 5 тэрбум 149.2 сая төгрөгөөр буурч, 396 тэрбум 428.3 сая төгрөг болж байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Shuud.mn
Сонин хачин
зочин:
Одоо энэ цаг үеэ дагаж хийх юм их байна. Энэ ахмад настан оюутануудыг үнэгүй зорчуулдаг системээр дамжин баахан мөнгө гаргадагаа болиод 100 төгрөгөөр үйлчилэх Дэлхий хаана ч ингэж үнэ төлбөргүй байдаггүй юм . Сард ганц нэг явдаг өндөр настан 100 төгрөг гаргаад явчихаж чадна. Харин тэднийг өдөр болгон тээвэрлээд байгаа гэж төсвөөс мөнгө гаргуулдагт учир нь байгааг ойлгуулах хэрэгтэй. Та нарыг мөнгө төлүүлэх гэж байна гээд л баахан дайрна л даа Гэхдээ сард 2-3 удаа явдаг хүмүүсийг 30 хоногоор тээвэрлэдэг гэж татаас авдаг нь буруу. Сеүлийн метрогоор ороход бүгд л таарсан тохирсоноо хүүхэд, таяг тулсан өвгөн ч хүртэл мөнгөө төлөөд түүний ачаар тээвэр нь хөгжөөд ахиад байна. Харин хөгжлийн бэршээлтэй улс бол өөр хэрэг, Мөн ирэх жилээс хүүхдийн цэцэрлэгт хүнд амьдралтай хагас болон бүтэн өнчингөөс бусад хүүхэд хоолны төлбөрөө ядаж хагас төлдөг болгох хэрэгтэй. Бүх ард түмнээс бадар барьж байхаар энэ хүмүүс ээс төлбөр авч жилд ядаж 5-10 цэцэрлэг барих . Соц нийгэмийн үед ч гэсэн хоолны мөнгө
2016-05-13