Улаанбаатар
Гэр хорооллын дахин төлөвлөлт саадгүй үргэлжилнэ
2016-5-16

 

Нийслэлийн ИТХ-ын ээлжит бус наймдугаар чуулган 05 дугаар сарын 12-ны өдөр болж, нийслэлийн 2016 оны төсөвт өөрчлөлт оруулсан.   Улаанбаатар хотын энэ оны төсвийн нэмэлт өөрчлөлтүүдийн дотроос Гэр хорооллын дахин төлөвлөлтөнд зориулан 20 тэрбум төгрөг нэмж зарцуулахаар баталсан юм. Энэ талаар иийслэлийн Засаг дарга бөгөөд Улаанбаатар хотын захирагч Э.Бат-Үүл, Нийслэлийн Засаг даргын Хот төлөвлөлт, хөрөнгө оруулалтын асуудал хариуцсан орлогч С.Очирбат нар сэтгүүлчдэд мэдээлэл өглөө.


Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Нийслэлийн 2016 оны төсөвт өөрчлөлт оруулж гэр хорооллын дахин төлөвлөлтөнд зориулан 20 тэрбум төгрөг нэмж зарцуулахаар баталсан нь төсөлд оролцогч компаниуд, иргэдийн хүлээж байсан, анхаарал татсан шийдвэр боллоо” гэдгийг онцлоод гэр хорооллын дахин төлөвлөлтийн ажил эрчимтэй үргэлжлэх бүрэн боломжтой болж байгааг хэллээ. Гэр хорооллоо дахин төлөвлөх ажилд зориулахаар нэмж баталсан хөрөнгийг 2015 оны төсвийн давж биелсэн орлого, ашиглаагүй үлдэгдэл, энэ оны урсгал зардлын хэмнэлтээс бүрдүүлжээ. Тухайлбал, 2015 оны төсвийн орлого давж биелсэнээс 11 тэрбум 159,9 сая, ашиглаагүй үлдэгдлээс 2 тэрбум 570 сая, энэ оны урсгал зардлын хэмнэлтээс 4 тэрбум 580 сая төгрөг зэргээс бүрдүүлсэн байна.


Нийслэлийн Орон сууцны корпорацийг хувьцаат компани болгон өөрчилж, Гэр хорооллын дахин төлөвлөлтөнд хэрэгтэй мөнгө босгох, үнэт цаас гарган зах зээлээс хүү багатай, хугацаа урттай хөрөнгө санхүү татах эрхтэй, шинэлэг менежменттэй болгохоор бэлтгэж байгаа гэдгийг дуулгалаа.


Нийслэлийн төсвийн 20 тэрбум төгрөг болон банкууд НОСК-ийн үнэт цаас худалдан авсанаар бүрдэх эх үүсвэр илүү хямд бөгөөд Улаанбаатар хотын агаар, хөрсний бохирдол зэрэг хур асуудал бэрхшээл, хүн амын талаас илүү хувийн ая тухтай аж төрөх хүлээлт ихтэй хүсэл сонирхлыг дэмжих гарц шийдлүүдийн нэг болно.


Гурван жилийн өмнө эхэлж, хотын хүн хүн амын 9 хувь, нутаг дэвсгэрийн 14 хувийг хамарч, өнөөдрийн байдлаар 22 байршилд ид хэрэгжиж буй Гэр хорооллын дахин төлөвлөлтөнд нэмж зориулах хөрөнгө санхүүг ийнхүү шийдвэрлэлээ.


Гэр хорооллын дахин төлөвлөлт 22 байршлын 58 хэсэгчилсэн талбайд хэрэгжиж, айл өрхүүд өөрсдөө төсөл хэрэгжүүлэх компаниа олонхийн саналаараа сонгон шалгаруулж, дараа нь гэрээ байгуулан газраа чөлөөлж байна. Гурван жилийн өмнөөс 38 компани 8 дүүргийн 37 хорооны нутаг дэвсгэрийн 1500 га газарт 7374 айлын орон сууц барьж эхэлсэн юм. Гэр хорооллын дахин төлөвлөлтөөр 2014 онд, 588, өнгөрсөн жил 1069 айлын шинэ орон сууц ашиглаланд оржээ. Өнөөгийн байдлаар 500 өрхийн 2100 иргэн хашаагаа байраар солиод байна. Энэ ондоо багтан гэр хорооллын хашаа байсан газарт 4044 айлын орон сууц ашиглалтанд орно. 2016 оны эхний хагаст буюу ойрын өдрүүдэд 1104 айлын орон сууц бэлэн болж, 4000 орчим иргэн шинэ байр руугаа нүүнэ гэж Нийслэлийн ЗДТГ-ын Хэвлэл мэдээлэл олон нийттэй харилцах хэлтсээс мэдээллээ.

Shuud.mn
Сонин хачин
Зочин:
худлаа чалч, буухаасаа өмнө бас мөнгө идэх нь үү
2016-05-16
Зочин:
Битий шаа
2016-05-16
zochin:
BATUUL hot tuluvlult,gudamj tusuld yu ch hiigeegui,hiisen heden zamyn companiud odoog hurtel ajlyn hulsuu avaagui,CHINGIS bondnoos avsan munguu huu CHULUUDAIN nereer offshor dansand hiisen
2016-05-16
SB duureg,12-r horoo:
manai horoond 4 jil bolohod neg hurz shoroo hudluh ni baitugai 1 ailtai uulzaj uzeegui 2012 songuuliin umnu 2016 ond G horoolol bosson baina salgalaad hutsaad baisan . haana bosson yum buu med,bosgoson duureg,horoo baival G horoolol gej yu baidgiig ni uzmeer baina bosgoson yum baihgui bol BAT-UULEE chamd salaavch uguhud goyodoh l baih pizdaa
2016-05-16
Зочин:
Бат Үүл даргад амжилт хүсье! Таныг ажлыг харлуулах гэсэн том хүчин ажиллаж байгаа ч ард олон дэмжин хүлээж байгаа шүү Амжилт!
2016-05-16
Юм сур:
Төлөвлөсөн ажлын тань нэг хувь ч хийгдээгүй байгаа шүү. Жаахан баримжаатай ярьж төлөвлөж сурвал яасан юм бэ. Хүний итгэл, сэтгэлээр тоглож болдоггүй юм шүү. Хүний үг сайн сонсож, юм мэддэг хүнээр ажлыг нь хийлгэж байвал та нарын амьдралд хэрэгтэй. Юм сайн сур, тоо сайн бодож сураарай.
2016-05-16