ОХУ-ын Буриад Улсын Засгийн газраас Буриад түмний “Алтаргана 2016” наадмыг ирэх сард зохион байгуулахаар болжээ. Хоёр жилд нэг удаа уламжлал болгон зохиогдож ирсэн эл наадам энэ жил ОХУ-ын Буриад улсын нийслэл Улаан-Үд хотод болох юм байна. Наадамд оролцох монгол уран бүтээлчдийг бэлтгэх, зохион байгуулах үндэсний хорооны зөвлөлөөс энэ талаар мэдээлэл хийлээ. Буриад Улсын АЖ, МУГЖ Д.Долгормаа, Буриад судлалын академийн тэргүүн М.Одмандах нар хэвлэлийн хуралд оролцов.
Тус наадам нь анх Хэнтий аймгийн Дадал суманд 1994 онд зохиогдож байсан. 12 дахь удаагаа зохион байгуулагдаж буй эл наадам энэ жил ОХУ-ын Буриад улсын нийслэл Улаан-Үдэд хоёр дахь удаагаа болох аж.
Дэлхий нийтэд 600 гаруй мянган Буриад үндэстэн байдаг. Харин эл наадамд ойролцоогоор 30-40 мянган Буриад иргэн чуулах тухай зохион байгуулагчид хэлж байна. Наадам урлаг соёлын 14, спортын 6 төрлөөр нутаг нутгийн Буриад ард түмнийг өрсөлдүүлэх юм байна. Үүнд:
Урлаг соёлын төрлүүд:
Спортын уралдаан, тэмцээн:
Тус наадамд оролцох хүсэлтэй иргэд аймаг орон нутгийнхаа зохион байгуулах хороонд хандаж, урьдчилсан сонгон шалгаруулалтад оролцон тэнцэх учиртай юм байна. Урьдчилсан сонгон шалгаруулалт зургаадугаар сарын 9-нд “Оросын шинжлэх ухана соёлын төв”-д болох ажээ.
Г.Тэгшсүрэн
Уншиж байна |