Сонирхогчдын боксын эмэгтэйчүүдийн ДАШТ энэ сарын 19-нд Казахстаны Астана хотод болно. Дэлхийн аваргад 73 орны 326 ширэн бээлийтэн өрсөлдөхөөр мэдүүлгээ өгчээ. ДАШТ-ий олимпийн жин болох 51, 60, 75 кг-д авсан боксчид Риог зорих тийзээ захиалах юм.

Манайхаас дэлхийн аваргад 48 кг-д Л.Алтанцэцэг, 51кг-д М.Нандинцэцэг, 54 кг-д Т.Болортуул, 57 кг-д М.Гүндэгмаа, 60 кг-д О.Сувд-Эрдэнэ, 64 кг-д Н.Баянцэцэг, 69 кг-д Э.Эрдэнэтуяа нар тулалдана.