УИХ-ын 2016 оны сонгуульд нэр дэвшүүлэх ажил өнөөдрөөс эхэлж байна. Нам, эвслүүд нэр дэвшигчдээ тодруулж, Сонгуулийн ерөнхий хороонд илгээж хянуулах ёстой. Сонгуулийн ерөнхий хороо батламж гардуулснаар нэр дэвшигчид өрсөлдөх эрхээ авч, сурталчилгаагаа эхлүүлнэ. 

Сар гаруйхны дараа болох сонгуулийн сунгаа нам, эвслүүд дунд ид явагдаж байна. Нэр дэвшихийг хүсэгчид болоод түүнийг хясагчдын их тэмцэл өрнөж, намууд баталгаатай нэг суудал зулгаах хүнээ "хайж" байна. Зарим нь ч тойргоо чамгүй үнээр үнэлж, ахиухан мөнгө амласан болон төлсөнд нь суудал захиалж байна.

АН-ын нэг тойрог гэхэд 100 сая төгрөгөөр үнэлэгддэг бололтой. УИХ-ын сонгуульд Баянзүрх дүүргээс нэр дэвших хүмүүс 100 сая төгрөг тушаах тогтоолыг тус дүүргийн АН-аас гаргажээ. Харин УИХ-д дэвшихийг хүсэгчдийн 100 сая төгрөгийн татвараар дүүргийн Иргэдийн төлөөлөгчдийн хурлынхан нь сонгуульдах гэнэ.

В.Бат