МАН-ын бага хурлын  өмнөхөн  УИХ-ын гишүүн Д.Сарангэрэлээс зарим зүйлийг тодруулсан юм.

-МАН УИХ-ын сонгуульд эмэгтэйчүүдээ хэр дэмжиж байна вэ?

-МАН-ын Удирдах зөвлөлийн хурлаар нэр дэвших хүмүүсийнхээ жагсаалтыг урьдчилсан байдлаар гаргалаа. Манай намын бага хурлын 331 гишүүн нэр дэвшигчдийг шийднэ.  МАН-ын  дүрэмд  аливаа сонгуулиар  25 доошгүй хувьд эмэгтэйчүүдээ дэвшүүлнэ гэсэн заалттай. Энэ дүрмийнхээ хүрээнд болон УИХ-ын сонгуулийн тухай хуулийн дагуу МАН 16 эмэгтэйг нэр дэвшүүлэх шийдвэр гаргалаа. Миний хувьд Хан-Уул дүүргийн УИХ-ын сонгуулийн 55  дугаар тойрогт нэр дэвших эрхээ Удирдах зөвлөлөөс авсан. Одоо бага хурлаар баталгаажуулна.

-МАН нэр дэвшүүлэхдээ ямар зарчим барьсан бэ?

-МАН УИХ-д нэр дэвшигчдээ тодруулахдаа анхан шатны намын үүрүүдээс санал авсан. Мөн судалгааны дүнгээс үндэслэн УИХ-д нэр дэвшүүлэх эсэхийг шийдсэн байгаа.

Н.Энх