Израйлийн нийслэл Иерусалим хотноо өчигдөр 19.00 цагийн орчимд амиа золиослогч этгээд амиа егүүтгэсэн талаар “www.dailymail.co.uk” мэдээллээ. Халдлагын үеэр Израйлийн Аюулгүй байдлын албаны 19 хүн шархтаж, эмнэлэгт хүргэгджээ.
Амиа егүүтгэсэн эмэгтэй Палестины иргэн гэв. Тэрээр Аюулгүй байдлын албаны хүмүүсийн зорчиж явсан автобусны ойролцоо өөрийгөө егүүтгэсэн ч хүний аминд хүрч чадаагүй аж. Уг халдлагыг алан хядах “Хамас” бүлэглэл захиалсан болохоо олон нийтийн сүлжээгээр дамжуулан мэдэгдсэн байна.
Цагдаагийнхан дээрх халдлагатай холбоотой 18-30 насны зургаан эрэгтэйг Бетлехем орчмоос баривчилжээ. Тэд “Хамас” бүлэглэлтэй холбоотой болохыг мөрдлөгөөр тогтоогдсон аж. Ерөнхий сайд Бенжамин Нетаньяху “Бид халдлагын буруутанг заавал баривчилж, шийтгэх болно” хэмээн мэдэгджээ.
Б.Дэлгэрцэцэг
Уншиж байна |