Сирийн армийнхан Ракка хотыг чөлөөлөх ажиллагааны үеэр Иракийн хэт даврагч “Халифын вант улс” бүлэглэлийн дайчин, жихади Бульдозер гэгчийг баривчилсан талаар “www.dailymail.co.uk” мэдээллээ. Армийнхан түүнийг хэрхэн баривчилсан нь нууц байгаа юм. Бульдозерийг тус бүлэглэлийн 20 дайчны хамтаар олны өмнө эрүүдэн шүүсэн байна.

Нэг сири цэрэг цээж нүцгэн газар хэвтэж буй Бульдозерийн зургийг олон нийтийн сүлжээнд нийтлээд “Аллахын боол үхлээс эмээж, уйлж байна” гэж бичжээ.

Өнгөрсөн гуравдугаар сарын эхээр Бульдозер цаазын ял гүйцэтгэж буй бичлэгээ интернэт байршуулснаар олны анхаарлыг татсан юм. Тэрбээр бусад хэт даврагчдаас том биетэй бөгөөд Кавказ гаралтай билээ.  

“Бульдозер өнгөрсөн онд барьцаанд байсан 25 иргэнийг цаазалсан бол энэ оны эхээр ижил хүйстэн гэх 12 залуугийн гарыг тайрсан” хэмээн тагнуулын байгууллагаас мэдээлжээ.

 Б.Дэлгэрцэцэг