УИХ-ын 2016 оны сонгуульд бие даан нэр дэвшигчид тодорлоо. Нийт 74 хүн бие даан нэр дэвшихээр Сонгуулийн ерөнхий хороонд баримт материалаа өгчээ. Сонгуулийн ерөнхий хорооны ажлын хэсэг нэр дэвшигчдийн материалыг нягтлан шалгаж, 69 хүнийг бие даан нэр дэвшигчээр бүртгэсэн байна.
Тэдний дунд урлаг, улс төр, бизнесийн салбарын олны танил эрхмүүд цөөнгүй байна. Баянзүрх дүүрэгт гэхэд 14 хүн бие даан нэр дэвшихээр болжээ. Тэдний дунд өмгөөлөгч, Хууль зүйн яамны Бодлогын хэрэгжилтийг зохицуулах газрын даргаар ажиллаж байсан О.Алтангэрэл бий. Хуулийн салбарын чамгүй сайн мэргэжилтнүүдийн нэг хэмээн тоогдсон тэрбээр энэ тойргийн хүчтэй өрсөлдөгчийн нэг. Улс төрийн тогоонд цөөнгүй жил “чанагдсан” Д.Оюунхорол, Д.Арвин, Ж.Энхбаяр, Б.Болор нарын хүчтэй өрсөлдөгч болно. Мөн өмгөөлөгч Ц.Монгол энэ тойрогт үзэхээр шийджээ. Харин урлагийнхнаас дуучин С.Жавхлан, зураач Л.Өнөрчимэг нар баянзүрхчүүдэд итгэл найдвараа тавьжээ. Бас ХҮН-ын дарга С.Боргил бие даан нэр дэвших дүүргээрээ Баянзүрхийг сонгосон байна.
Чингэлтэй дүүрэгт найман бие даагч нэр дэвшлээ. Энэ тойрогт бизнесийн салбарыг “Капитал” банкны Цахим банкны газрын захирал В.Буянмөнх төлөөлж буй. Намаа орхисон ХҮН-ынхнаас Б.Найдалаа Чингэлтэйд өөрийгөө сойж байна. Мөн Босоо хөх Монгол бүлгэмийн тэргүүн П.Шинжээравдан Чингэлтэйд бие даах гэнэ. Хятад, вьетнамуудыг хашраагч Монголын гудамжны бүлгэмийн тэргүүнд улс төрд орох орон зай бий эсэхийг бид удахгүй харна.
Харин Баянгол дүүрэгт таван хүн бие даан нэр дэвшинэ. Тэдний нэг нь дуучин Нара буюу М.Нарантуяа. Цагаан сарын дараахан л УИХ-д бие даан нэр дэвшинэ хэмээн мэдэгдэж, чамгүй урт хугацаанд бэлдсэн түүний хичээл зүтгэл талаар болсонгүй, сонгуулийн байгууллага нэр дэвшигчээр бүртгэжээ. Тэрбээр 3000 хүний гарын үсэг цуглуулж, энэ эрхийг олж авсан юм. Мөн энэ дүүрэгт Хассуурийн Ганхуяг нэр дэвших юм байна. Хера группын Ерөнхий захирал, эдийн засагч энэ залуу бизнесийн салбарын төлөөлөл болон нэр дэвшиж буй.
Сонгинохайрханчуудын итгэл найдварын төлөө зургаан бие даагч өрсөлдөхөөр болжээ. Тэдний нэг нь “Иргэдийн шударга шүүх” ТББ-ын тэргүүн Х.Бат-Ялалт. Орохгүй асуудал, ярихгүй зүйлгүй болоод буй энэ хүнд итгэл хүлээлгэх эсэх сонгинохайрханчуудын асуудал. Мөн энд сэтгүүлч Т.Алтаншагай нэр дэвшжээ. Төрийн шагналт яруу найрагч Д.Төрбатын хүү хэвлэлийн салбарыг төлөөлөн улс төр рүү зүтгэж байна.
Харин Хан-Уул дүүрэгт найман бие даан нэр дэвшигч өрсөлдөнө. Мартагдсан сахилга батын тухай ярьж гарч ирсэн MDG группийн үүсгэн байгуулагч Бадарчийн Одсүрэн энэ тойрогт нэр дэвшиж байна.
Тэдний хувьд улс төр шинэ ертөнц. Гаднаас нь харж, амаараа ярьж байснаас дотор нь орж, биеэрээ мэдэрч байгаагүй. Улс төр гэх буцлам халуун тогоо руу орохын тулд аль нэг нам эвслийг бараадаагүй, бор зүрхээрээ зүтгэж буй тэдний хичээл зүтгэлийг үнэлье. Гэвч сонголтыг зөвхөн сонгогчид хийнэ. Сонгогчдын нүдэнд хэрхэн харагдаж, чихэнд яаж сонсогдож байсан болоод байгаа нь тэдний хувь заяанд шууд хамааралтай. Ирэх дөрвөн жил УИХ-ын гишүүн гэх алдартай болж, төрийн түшээгийн сэнтийд хэд нь залрах нь 20 гаруйхан хоногийн дараа тодорхой болно.
МОНГОЛ УЛСЫН ИХ ХУРЛЫН 2016 ОНЫ ЭЭЛЖИТ
СОНГУУЛЬД БИЕ ДААН НЭР ДЭВШИГЧИД
|
Тойргийн дугаар |
Аймаг, дүүргийн нэр |
Д/д |
Бие даан нэр дэвшигчийн эцэг /эх/-ийн нэр, өөрийн нэр |
|
2 |
Архангай аймаг |
1 |
Бэгзсүрэнгийн МӨНХЗУЛ |
|
2 |
Баярсайханы МЭНДСАЙХАН |
||
|
7 |
Баянхонгор аймаг |
3 |
Жагваралын ТӨМӨРХУЯГ |
|
9 |
4 |
Баатарбямбын БАТ-ЭРДЭНЭ |
|
|
11 |
Говь-Алтай аймаг |
5 |
Гаанжуурын НЭРГҮЙ |
|
6 |
Баасангийн НАМИНЧИМЭД |
||
|
7 |
Шоовдорын ЭРДЭНЭБАТ |
||
|
15 |
Дорнод аймаг |
8 |
Батаагийн ГАНБОЛД |
|
9 |
Дашнамжилын ЦОГТБААТАР |
||
|
16 |
Дундговь аймаг |
10 |
Бямбасүрэнгийн БАЯРМАГНАЙ |
|
11 |
Батбаярын МӨНХБОЛОР |
||
|
12 |
Сандагийн БУДЖАВ |
||
|
17 |
Завхан аймаг |
13 |
Самдангийн ЦЭВЭЭНЖАВ |
|
14 |
Адъяабалжирын САНЖМЯТАВ |
||
|
19 |
Өвөрхангай аймаг |
15 |
Баянжаргалын ЭНХТӨР |
|
20 |
16 |
Төмөрбаатарын ХАСБААТАР |
|
|
17 |
Доржийн МИЕЭГОМБО |
||
|
21 |
18 |
Мянганбуугийн НАРАНБААТАР |
|
|
25 |
Сэлэнгэ аймаг |
19 |
Цэнддоржийн ЭРДЭНЭБАТ |
|
20 |
Жамбалдоржийн БАТБИЛЭГ |
||
|
34 |
Ховд аймаг |
21 |
Пүрэвдоржийн ХАНГАЛ |
|
45 |
Дархан-Уул аймаг |
22 |
Лүндэгийн НАРАНБААТАР |
|
46 |
Орхон аймаг |
23 |
Чангаагийн БЯМБАА |
|
47 |
24 |
Ухаагийн АМАРЗАЯА |
|
|
49 |
Баянзүрх дүүрэг |
25 |
Гэлэгийн БААСАН |
|
26 |
Оюунсайханы АЛТАНГЭРЭЛ |
||
|
27 |
Баттулгын БАТБААТАР |
||
|
28 |
Адъяагийн ЭРДЭНЭБИЛЭГ |
||
|
51 |
29 |
Цэрэнхүүгийн БАТТУЯА |
|
|
30 |
Авирмэдийн ЭРДЭНЭБАЯР |
||
|
52 |
31 |
Цэрэнгийн МОНГОЛ |
|
|
53 |
32 |
Лүүрэвийн ӨНӨРЧИМЭГ |
|
|
33 |
Долгорсүрэнгийн БАТБАЯР |
||
|
34 |
Өвгөнхүүгийн ЭРДЭНЭБОЛД |
||
|
35 |
Жанагийн ГАНБААТАР |
||
|
54 |
36 |
Сүрэнхүүгийн БОРГИЛ |
|
|
37 |
Самандын ЖАВХЛАН |
||
|
38 |
Мэндбаярын БАЯРБАТ |
||
|
55 |
Хан-Уул дүүрэг |
39 |
Жазагийн ЛХАГВАСҮРЭН |
|
40 |
Тунгаагийн ТҮМЭНДЭМБЭРЭЛ |
||
|
56 |
41 |
Бадарчийн ОДСҮРЭН |
|
|
42 |
Рэгзэнгийн ШИНЭГЭРЭЛ |
||
|
57 |
43 |
Тогмидын ДОРЖХАНД |
|
|
44 |
Дашцэрэнгийн АЗЖАРГАЛ |
||
|
58 |
45 |
Доноровын ГАНТУЛГА |
|
|
46 |
Сэрчингийн ҮҮРЦАЙХ |
||
|
59 |
Сүхбаатар дүүрэг |
47 |
Баатаржавын МӨНХСОЁЛ |
|
60 |
48 |
Ганбатын МӨНХБАЯР |
|
|
49 |
Цэрэнбадамын НАРАНЧИМЭГ |
||
|
62 |
50 |
Наранцэцэгийн ЖАМБАЛДОРЖ |
|
|
63 |
Чингэлтэй дүүрэг |
51 |
Баатарын БАТЦЭНГЭЛ |
|
52 |
Содовсүрэнгийн НАРМАНДАХ |
||
|
64 |
53 |
Володягийн БУЯНМӨНХ |
|
|
65 |
54 |
Бадрахын НАЙДАЛАА |
|
|
55 |
Рэнбаагийн ТӨРМӨНХ |
||
|
56 |
Балжиннямын БАТХУЯГ |
||
|
57 |
Парчаагийн ШИНЖЭЭРАВДАН |
||
|
66 |
58 |
Дагвадоржийн УЛАМБАЯР |
|
|
67 |
Баянгол дүүрэг |
59 |
Ойдовын ЛХАГВАДОРЖ |
|
60 |
Шагдаржавын ЭРДЭНЭБАТ |
||
|
69 |
61 |
Мөнхтөрийн НАРАНТУЯА |
|
|
62 |
Баатарын ТҮМЭНЖАРГАЛ |
||
|
70 |
63 |
Хассуурийн ГАНХУЯГ |
|
|
71 |
Сонгинохайрхан дүүрэг |
64 |
Бямбын БИЛЭГСАЙХАН |
|
65 |
Наранбаатарын ТҮВШИНЖАРГАЛ |
||
|
66 |
Хадбаатарын БАТ-ЯЛАЛТ |
||
|
72 |
67 |
Даваачулууны БАТБОЛД |
|
|
68 |
Төрбатын АЛТАНШАГАЙ |
||
|
75 |
69 |
Түмэн-Ойлоогийн ЦООЖ |
В.Бат
| Уншиж байна |