Монголын Залуучуудын холбооноос Хар жагсаалтыг зарлалаа. Өнгөрсөн оны гуравдугаар сараас эхэлсэн уг ажил 100 хар үйл явдлыг нэрлэснээр үргэлжилсэн. Тэгвэл өнөөдөр 100 хар үйл явдалд нэр нь оролцсон хүмүүсийг багтаасан Хар жагсаалтыг нэрлэлээ.
Харин энэ Хар жагсаалтад дуучин Г.Эрдэнэтунгалаг, гавьяат тамирчин Х.Цагаанбаатар нар багтсан нь олны анхаарлыг татав. Улс төр байтугай төрийн албанд ажиллаж байгаагүй энэ хоёр хүн яагаад Хар жагсаалтад нэр дурдагдах болов?!
Залуучуудын холбооны Ерөнхийлөгч А.Мөнхбатын хэлж байгаагаар 1992 оноос хойш Үндсэн хуулийн үзэл баримтлалыг зөрчсөн үйл явдлуудыг ТОП-100 Хар-аар нэрлэсэн. Харин энэ үйл явдлуудад нэр нь дурдагдсан эрхмүүдийг Хар жагсаалтад багтаасан гэв. Тэгэхээр Г.Эрдэнэтунгалаг, Х.Цагаанбаатар нар ямар нэг хар үйл явдлын эзэд болсон байж таарах нь. Гэвч төр рүү ойртож байгаагүй тэдэнд “нүгэл” байхгүй л болов уу. Тэгэхээр сонгуульд нэр дэвшиж байгаа нь тэднийг Хар-аар нэрлэгдэхэд хүргэсэн бололтой.
В.Бат