Долоон буудлын уулзвараас Чингэлтэйн эцэс хүрэх 3.3 км замын зорчих хэсгийг өнөөдөр нээв. Замын нээлтийн ажиллагаанд нийслэлийн Засаг дарга бөгөөд Улаанбаатар хотын захирагч Э.Бат-Үүл, Нийслэлийн Засаг даргын Зам, тээвэр дэд бүтцийн асуудал хариуцсан орлогч Н.Гантөмөр, НИТХ-ын төлөөлөгч Л.Наранбаатар нар оролцлоо.
Энэ замыг 1985 онд барьж дууссанаас хойш засвар шинэчлэл огт хийгээгүй ажээ. Харин “Экспресс зам”компани хурдан хугацаанд барьж ашиглалтад оруулж байгаа нь энэ юм.
Өнөөдөр зөвхөн зорчих хэсгийг нээж байгаа бөгөөд цаашид явган зам, гэрэлтүүлэг, борооны ус зайлуулах шугам зэргээр тохижилтын ажлыг иж бүрнээр нь хийнэ. Мөн энд Улаанбаатар хотын дэд төв удахгүй сүндэрлэнэ. Дэд төвийг 14, 18 дугаар хороонд барих бөгөөд инженерийн шугам сүлжээний ажил эхэлжээ.
Зам дагаж хөгжил гэдэг. Чингэлтэйн замыг дагаж удахгүй цэвэр, бохир, инженерийн шугам сүлжээ татна. Ийнхүү дэд бүтцэд холбогдсоноор иргэд хашааны газартаа хаус барих боломж бүрдэж байгааг хотын дарга онцоллоо.
Уншиж байна |