Монгол ахан дүүсээ. Он цаг ээлжлэн солигдож, дөрвөн жилийг ардаа үдэж төрөө сонгох сонгууль эхэлж байна

Ардчилсан нам 2012 оны УИХ-ын сонгуульд олуулаа болж бусад нам эвсэлтэй хамтран Засгийн эрхийг дөрвөн жил барьлаа.

2012-2016 онуудад уул уурхайн гаралтай түүхий эдийн үнэ дэлхий даяар түүхэнд байгаагүй уналтанд орсон нь Монгол Улсын эдийн засагт хүнд цохилт өгч эрх барьж байгаа Ардчилсан намын чадвар чансааг шалгасан он жилүүд байлаа.

Амаргүй дөрвөн жилийг Ардчилсан нам их бүтээн байгуулалтын он жилүүд болгон хувиргаж хийсэн ажилтай хэлэх үгтэйгээр 2016 оны УИХ-ын сонгуулийг угтаж байна. Сүүлийн 30 жил яриад хэрэгжүүлээгүй 3,4 дүгээр цахилгаан станцын өргөтгөл, хот хөдөөг холбосон 3800км авто зам, нийслэл хотын гудамж, замын өргөтгөл шинэчлэл, орон сууцны 5 болон 8 хувийн орон сууцны зээл, 83 мянган орон сууц, аймаг бүрт 1000 айлын орон сууц хөтөлбөр, бизнес,  үйлдвэрлэлийн салбарын 1054 төсөл  хэрэгжүүлж олон тулгуурт эдийн засгийн хөгжлийн суурийг тавьсан, хэрэгжсэн гэх мэт их бүтээн байгуулалтуудаар иргэд, олон түмнийхээ ажлын байрыг хадгалж, орлогыг тогтворжуулж, эдийн засгийн хямралт үеийг амжилттай даван туулж чадлаа.

Хавтгайрсан халамжаар өнөөдрийг аргацаадаг, үлдэх өгөөжгүй өр бий болгодгийг 2008-2012 онуудад харлаа.

Их бүтээн байгуулалтаар ирээдүйг цогцлоон байгуулж, эдийн засгийн чадавхиа бэхжүүлэх суурийг тавьдагийг 2012-2016 онууд харууллаа.

Эрхэм хүндэт сонгогчид оо, Ирэх он жилүүдэд монгол хүний төлөө их бүтээн байгуулалтаа хамтдаа үргэлжлүүлцгээе.

Ардчилсан нам УИХ-д сонгууль олонхи болж их бүтээн байгуулалтаа үргэлжлүүлэн Монгол улсаа хөгжүүлэх чин эрмэлзэлтэйгээр энэ сонгуульд оролцож байна.

Ирэх он жилүүдэд монгол хүний төлөө их бүтээн байгуулалтаа хамтдаа үргэлжлүүлцгээе.

Ардчилсан нам УИХ-д сонгууль олонхи болж их бүтээн байгуулалтаа үргэлжлүүлэн Монгол улсаа хөгжүүлэх чин эрмэлзэлтэйгээр энэ сонгуульд оролцож байна.

Сонгууль шударга

Сонгогдсон түшээд төлөв түвшин

Төрийн бодлого мэргэн

Түмэн олон аз жаргалтай чинээлэг байхын ерөөл дэвшүүлье.

Ардчилсан намын дарга З.Энхболд” хэмээн хэлсэн  юм.

Нэр дэвшигч Зандаахүүгийн ЭНХБОЛД-ын Сонгуулийн штаб