Нийслэлийн есөн гудамжинд хатуу хучилт хийлээ
2016-06-21

 
Нийслэлийн Удирдах ажилтнуудын ээлжит Шуурхай зөвлөлгөөнөөр 2016 оны хот тохижилтын ажлын талаар Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал танилцууллаа.    
Улаанбаатар хотын 2016 оны хот тохижилт, ногоон байгууламж, инженерийн шугам сүлжээ, зам засварын ажил, АСЕМ-ын бэлтгэлийг хангах ажлын хүрээнд нийслэлийн хэмжээнд тохижилтын ажлуудыг хийж байна. АСЕМ-ын бэлтгэл ажлын хүрээнд хийж байгаа 13 гудамжны тохижилтын ажлаас Зайсангийн гудамж, Жамьян гүний гудамж, Гэндэнгийн гудамжны тохижилт, Дүнжингаравын замын ажил бүрэн дуусчээ. Харин Сүхбаатарын гудамж, Нийслэл хүрээ өргөн чөлөө, Их тойруугийн гудамж, Энхтайваны өргөн чөлөө, Олимпын гудамж, Их Монгол Улсын гудамжны тохижилтын ажил 90 хувийн гүйцэтгэлтэй байна. Мөн Их сургуулийн гудамж, Наадамчдын зам, Чингисийн өргөн чөлөөний ажил 70 хувийн гүйцэтгэлтэй байгаа юм.
Сул шороон хөрс бүхий талбайг хатуу хучилттай болгох ажлыг Хувьсгалчдын гудамж, Бага тойруугийн гудамж – МУИС-ийн 4 дүгээр байрны өмнөх талбай, Бага тойруугийн гудамж – МУИС-ийн оюутны байрны зүүн талд, Бага тойруугийн гудамж – ШУТИС ахлах сургуулийн өмнөх талбай, Зайсангийн тойруу, Занабазарын гудамж, “Их тойруугийн гудамж”, АНУ-гийн элчингийн хойд тал, Дилав хутагт Жамсранжавын гудамж, Дүнжингаравын гудамжинд хийж дуусчээ. Мөн 200 ширхэг мэдээллийн тэмдэг, 155 ширхэг хогийн сав, 142 ширхэг сандлыг нийслэлийн гудамж, талбайд байршуулав.  
Тулгар Төрийн 2225, Их Монгол Улсын 810, Ардын Хувьсгалын 95 жилийн ой, Үндэсний Их баяр наадмын тохижилт, засвар үйлчилгээний бэлтгэл ажлын хүрээнд дараах ажлыг хийх юм. Үүнд:
  • Төв цэнгэлдэх хүрээлэнгийн 18 ширхэг хаалгыг сэргээн засварлах /Хуучин будгийг хусаж шинээр будах нэгэн жигд төмрөөр нөхөж засварлах/
  • Төв цэнгэлдэх хүрээлэнгийн гадна фасад буюу цагаан бүслүүрийг хусаж цагаан өнгөөр будах
  • Төв цэнгэлдэх хүрээлэнгийн зүүн урд талд байрлах ЦТП-ний гадна фасад засварыг хийх
  • Төв цэнгэлдэх хүрээлэнгийн гадна явган замын гэрэлтүүлэг засварлах асалтыг 100 хувьд хүргэх
  • Үйлчилгээний байгууламжаар ашигладаг обьектыг шинэчлэн засварлах
  • Шагайн харвааны байрны гадна хойд талын фасадыг засварлах юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

 

Shuud.mn
Сонин хачин
Зочин:
Манайхан явган хүний замын хавтангаа тавьж чадахгүй юм. Элсэнд суулгаад ямар ч нэмэргүй. Жаахан бороо ороход, хүчтэйхэн гишгэхэд ховхорч унаад, хуурч эвдрээд бүтэхгүй. Уг нь бол цемент багсарч чулуун шал хийдэгтэй адилхан багсармалаар хийж байж тэгшхэн, цэвэрхэн, бат бөх болдог.
2016-06-21
ard:
ereenees dor hymdhan zam talbaitai yduu zagvartai chanargui ondor untei ene bol ta nariin jinhen torh
2016-06-21